گلگت میں تشویشناک انکشاف: 70 فیصد لڑکے اور 29 فیصد لڑکیاں منشیات کا شکار، تحقیقی رپورٹ جاری اہم انکشافات
رپورٹ، 5 سی این نیوز
گلگت میں تشویشناک انکشاف: 70 فیصد لڑکے اور 29 فیصد لڑکیاں منشیات کا شکار، تحقیقی رپورٹ جاری اہم انکشافات،
قراقرم انٹرنیشنل یونیورسٹی اور محکمہ ایکسائز کی مشترکہ تحقیق؛ 2905 طلبہ کے سروے میں 92.7 فیصد نے کسی نہ کسی نشے کے استعمال کا اعتراف کر لیا۔
گلگت محکمہ ایکسائز اینڈ ٹیکسیشن، نارکوٹکس کنٹرول گلگت بلتستان اور قراقرم انٹرنیشنل یونیورسٹی کے شعبہ سائیکالوجی اینڈ ہیومن ڈیولپمنٹ (Psychology & Human Development) کے باہمی تعاون سے ضلع گلگت میں نوعمروں اور نوجوانوں میں منشیات کے رجحانات پر ایک جامع تحقیقی مطالعہ مکمل کر لیا گیا ہے۔
اس مشترکہ سروے میں 2,905 طلبہ کا تفصیلی جائزہ لیا گیا، جس کے نتائج انتہائی چونکا دینے والے ہیں۔ رپورٹ کے مطابق گلگت میں 70 فیصد لڑکے اور 29 فیصد لڑکیاں منشیات کی عادی ہو چکی ہیں، جبکہ مجموعی طور پر 92.7 فیصد زیرِ تعلیم نوجوانوں نے کسی نہ کسی شکل میں منشیات یا نشہ آور اشیاء کے استعمال کا اعتراف کیا ہے۔
سگریٹ، ای سگریٹ (ویپ) اور الکوحل کا بڑھتا ہوا رجحان:
تحقیق سے یہ بات سامنے آئی ہے کہ نوجوان نسل میں روایتی سگریٹ، جدید ای سگریٹ (ویپ) اور الکوحل کا استعمال سب سے زیادہ دیکھنے میں آیا ہے۔
تحقیق کا مقصد اور ماہرین کی سفارشات:
اس جامع سائنسی مطالعے کا بنیادی مقصد نوجوانوں میں منشیات کے پھیلاؤ کی اصل شرح، اس کے پیچھے چھپی وجوہات اور خطرے کے عوامل کا باریک بینی سے جائزہ لینا ہے، تاکہ ایک مؤثر انسدادِ منشیات پالیسی وضع کی جا سکے۔
تحقیقی اداروں اور ماہرین نے اس سنگین صورتحال پر گہری تشویش کا اظہار کرتے ہوئے حکومت اور تعلیمی اداروں پر زور دیا ہے کہ وہ فوری طور پر طلبہ کے لیے آگاہی مہم، نفسیاتی معاونت (Psychological Support) اور ٹھوس شواہد پر مبنی انسدادِ منشیات پالیسیوں پر عملدرآمد کو یقینی بنائیں۔
دن بھر کی اہم اور دلچسپ خبریں ملاحظہ فرمایئں
نقد ونظر بر غزل۔۔۔یاسمین اختر طوبیٰ ریسرچ اسکالر گوجرہ، پاکستان
شگر اسسٹنٹ کمشنر شگر فیصل حیات گوندل کا شگر بازار میں ایل پی جی ریٹ لسٹوں کا معائنہ،
urdu news update Rising Drug Trends Among Gilgit Youth
