معلومات کا عالمی دن. سچ، شعور اور ذمہ داری. ڈاکٹر محمد ارشد
معلومات صرف الفاظ، خبروں اور اعداد و شمار کا نام نہیں، بلکہ یہ انسان کے شعور کو بیدار کرنے، سوچ کو وسعت دینے اور معاشرے کی سمت متعین کرنے کی ایک طاقتور قوت ہے۔ آج کے تیز رفتار دور میں دنیا بھر سے بے شمار معلومات لمحوں میں ہمارے موبائل فونز تک پہنچ جاتی ہیں، مگر اصل چیلنج معلومات کی کمی نہیں بلکہ درست اور غلط معلومات میں فرق کرنا ہے۔
ایک غیر مصدقہ خبر چند سیکنڈز میں ہزاروں افراد تک پہنچ سکتی ہے اور کسی انسان، خاندان، ادارے یا پورے معاشرے کے لیے نقصان کا باعث بن سکتی ہے۔ اسی لیے ضروری ہے کہ ہم کسی بھی خبر، پوسٹ، تصویر، ویڈیو یا پیغام کو آگے بڑھانے سے پہلے اس کے ذریعے، صداقت اور حقیقت کی تصدیق ضرور کریں۔
سچی معلومات شعور پیدا کرتی ہیں،
درست معلومات اعتماد پیدا کرتی ہیں،
اور ذمہ دارانہ معلومات معاشرے کو مضبوط بناتی ہیں۔
ہمیں یہ سمجھنا ہوگا کہ شیئر کا بٹن صرف ایک بٹن نہیں بلکہ ایک ذمہ داری ہے۔ جو بات ہم دوسروں تک پہنچاتے ہیں، وہ ہماری سوچ، تربیت، کردار اور ذمہ داری کی عکاسی کرتی ہے۔ ایک جھوٹی بات پھیلانے میں چند سیکنڈ لگ سکتے ہیں، لیکن اس کے منفی اثرات ختم ہونے میں برس لگ سکتے ہیں۔
آئیے آج کے دن یہ عہد کریں کہ ہم:
افواہ نہیں، آگاہی پھیلائیں گے۔
نفرت نہیں، شعور اور برداشت بانٹیں گے۔
غیر مصدقہ خبر نہیں، تصدیق شدہ معلومات شیئر کریں گے۔
جذبات میں آکر نہیں، تحقیق اور ذمہ داری کے ساتھ بات کریں گے۔
اختلاف کو دشمنی نہیں بلکہ مثبت مکالمے کا ذریعہ بنائیں گے۔
یاد رکھیے!
قلم ہو یا موبائل، الفاظ ہوں یا خبر . ہر اظہار ایک ذمہ داری ہے۔
معلومات کا اصل مقصد صرف جاننا نہیں، بلکہ صحیح جاننا، سمجھنا اور درست بات دوسروں تک پہنچانا ہے۔ ایک باشعور معاشرہ وہی ہوتا ہے جہاں لوگ ہر سنی سنائی بات پر یقین کرنے کے بجائے تحقیق کرتے ہیں، سوال کرتے ہیں اور حقیقت کو ترجیح دیتے ہیں۔
آئیے سچ کو ترجیح دیں، شعور کو فروغ دیں، ذمہ دار معلومات کو عام کریں اور اپنی تحریر، گفتگو اور صحافت کو معاشرے کی بہتری کا ذریعہ بنائیں۔
کیونکہ ایک درست معلومات کسی کی رہنمائی کر سکتی ہے، جبکہ ایک غلط معلومات کسی کی زندگی میں مشکلات پیدا کر سکتی ہے۔
تحریر: ڈاکٹر محمد ارشد

بیوی… صرف رشتہ نہیں، ایک پورا گھر ہے ایک لفظ “Home” اور ازدواجی زندگی کا پورا فلسفہ . محمد عابد رشید

World Information Day