شگر اسسٹنٹ کمشنر شگر فیصل حیات گوندل کا شگر بازار میں ایل پی جی ریٹ لسٹوں کا معائنہ،
شگر اسسٹنٹ کمشنر شگر فیصل حیات گوندل کا شگر بازار میں ایل پی جی ریٹ لسٹوں کا معائنہ، خلاف ورزیوں پر سخت کارروائی کا اعلان، ڈپٹی کمشنر شگر شیر افضل کی ہدایت پر اسسٹنٹ کمشنر و ایڈمنسٹریٹر شگر فیصل حیات گوندل نے آج ایکسائز اینڈ ٹیکسیشن، متعلقہ ضلعی حکام اور پرائس کنٹرول ٹیم کے ہمراہ ضلع بھر میں ایل پی جی (LPG) ڈیلرز اور دکانوں کا تفصیلی معائنہ کیا۔معائنے کے دوران سرکاری طور پر جاری کردہ ایل پی جی ریٹ لسٹوں کی دستیابی، نمایاں آویزاں کرنے اور مقررہ نرخوں پر عملدرآمد کا جائزہ لیا گیا۔ اس کے علاوہ مختلف دکانوں پر صارفین کو فراہم کی جانے والی سہولیات اور حکومتی نرخوں کی پابندی کا بھی تفصیلی جائزہ لیا گیا۔ اس موقع پر اسسٹنٹ کمشنر فیصل حیات گوندل نے متعلقہ حکام کو ہدایت کی کہ گیس ریٹ لسٹ آویزاں نہ کرنے، مقررہ نرخوں سے زائد قیمت وصول کرنے یا دیگر قواعد و ضوابط کی خلاف ورزی کرنے والوں کے خلاف قانون کے مطابق فوری اور مؤثر کارروائی عمل میں لائی جائے۔ انہوں نے مزید ہدایت کی کہ ایل پی جی ڈیلرز کی باقاعدہ مانیٹرنگ کا سلسلہ جاری رکھا جائے تاکہ عوام کو حکومتی نرخوں کے مطابق گیس کی فراہمی ہر صورت یقینی بنائی جا سکے۔ اسسٹنٹ کمشنر نے کہا کہ ضلعی انتظامیہ عوامی مفاد کے تحفظ، ناجائز منافع خوری کی روک تھام اور اشیائے ضروریہ کی مقررہ نرخوں پر دستیابی کو یقینی بنانے کے لیے ہر ممکن اقدامات کر رہی ہے۔ انہوں نے واضح کیا کہ حکومتی احکامات کی خلاف ورزی، مصنوعی مہنگائی یا ناجائز منافع خوری میں ملوث عناصر کے ساتھ کسی قسم کی رعایت نہیں برتی جائے گی اور ان کے خلاف بلاامتیاز قانونی کارروائی کا سلسلہ جاری رہے گا۔
urdu news update Inspects LPG Price Lists in Shigar Bazaar
