شگر انڈس کاروان اور حشوپی ریزورٹ کا گلگت بلتستان کی قدرتی خوبصورتی کے تحفظ کے لیے سرفہ رنگا اور دیوسائی میں تین روزہ صفائی مہم کا اعلان
رپورٹ، عابدشگری 5 سی این نیوز
شگر انڈس کاروان اور حشوپی ریزورٹ کا گلگت بلتستان کی قدرتی خوبصورتی کے تحفظ کے لیے سرفہ رنگا اور دیوسائی میں تین روزہ صفائی مہم کا اعلان ،گلگت بلتستان میں بڑھتی ہوئی سیاحت کے باعث قدرتی ماحول کو درپیش خطرات کے پیش نظر انڈس کاروان، حشوپی ریزورٹ اور محکمہ تعلیم شگر کے اشتراک سے گورنمنٹ گرلز ہائی اسکول شگر میں ماحولیاتی آگاہی سیمینار منعقد کیا گیا، جس میں سرفہ رنگا اور دیوسائی میں تین روزہ صفائی مہم شروع کرنے کا اعلان کیا گیا۔ سیمینار میں سپیکر گلگت بلتستان اسمبلی عمران ندیم، ڈپٹی کمشنر شگر شیر افضل، سابق ایڈمنسٹریٹر کراچی فہیم، چیف انڈس کاروان مسز ماریکو ساواڈا تاکاہاشی (Mariko Sawada Takahashi)، انڈس کاروان کے حارث، حشوپی ریزورٹ کے سی ای او عدنان سعید، ڈپٹی ڈائریکٹر ایجوکیشن شگر منظور حسین، سرکاری افسران، اساتذہ، طلبہ، سماجی کارکنوں اور مختلف شعبہ ہائے زندگی سے تعلق رکھنے والے افراد نے شرکت کی۔ تقریب سے خطاب کرتے ہوئے سپیکر گلگت بلتستان اسمبلی عمران ندیم نے کہا کہ گلگت بلتستان کی قدرتی خوبصورتی، جنگلات، جھیلیں، چراگاہیں اور دیگر قدرتی وسائل قومی اثاثہ ہیں، جن کا تحفظ حکومت، نجی شعبے، تعلیمی اداروں اور عوام کی مشترکہ ذمہ داری ہے۔ انہوں نے کہا کہ سیاحت کے فروغ کے ساتھ ماحول دوست رویوں کو اپنانا بھی ناگزیر ہے تاکہ آنے والی نسلوں کے لیے خطے کا قدرتی حسن محفوظ رکھا جا سکے۔ ڈپٹی کمشنر شگر شیر افضل، سابق ایڈمنسٹریٹر کراچی فہیم، چیف انڈس کاروان مسز ماریکو ساواڈا تاکاہاشی، انڈس کاروان کے حارث، حشوپی ریزورٹ کے سی ای او عدنان سعید اور ڈپٹی ڈائریکٹر ایجوکیشن شگر منظور حسین نے بھی اپنے خطابات میں ماحولیاتی تحفظ، ذمہ دارانہ سیاحت، پلاسٹک آلودگی کے خاتمے اور نوجوان نسل میں ماحول دوست شعور بیدار کرنے کی ضرورت پر زور دیا۔ اس موقع پر سرفہ رنگا اور دیوسائی میں تین روزہ صفائی مہم شروع کرنے کا اعلان کیا گیا، جس کے دوران رضاکار، طلبہ، سرکاری و نجی اداروں کے نمائندے سیاحتی مقامات کی صفائی کریں گے، جبکہ سیاحوں میں ماحول دوست سیاحت اور قدرتی ماحول کے تحفظ کے حوالے سے آگاہی بھی فراہم کی جائے گی۔ تقریب کے اختتام پر شرکاء نے اس عزم کا اظہار کیا کہ گلگت بلتستان کے قدرتی حسن اور ماحول کے تحفظ کے لیے ایسی آگاہی اور صفائی مہمات کا سلسلہ مستقبل میں بھی جاری رکھا جائے گا تاکہ آنے والی نسلوں کے لیے خطے کا قدرتی ورثہ محفوظ رکھا جا سکے۔
urdu news update Sarfaranga and Deosai to Host Three Day Cleanliness Campaig
