سیلاب کی صورتحال کے پیشِ نظر تمام پاور ہاؤسز پر انجینئرز کی موجودگی لازمی قرار، غفلت پر سخت کارروائی کا حکم
رپورٹ، 5 سی این نیوز
سیلاب کی صورتحال کے پیشِ نظر تمام پاور ہاؤسز پر انجینئرز کی موجودگی لازمی قرار، غفلت پر سخت کارروائی کا حکم
وزیراعلیٰ گلگت بلتستان امجد حسین نے خطے میں جاری سیلابی صورتحال کے پیش نظر بجلی کی بلا تعطل فراہمی کو یقینی بنانے کیلئے محکمہ واٹر اینڈ پاور کو ہنگامی ہدایات جاری کر دی ہیں۔ وزیر اعلیٰ نے تمام سب ڈویژنل آفیسران (SDOs) اور سب انجینئرز کو ہدایت کی ہے کہ وہ ایگزیکٹو انجینئرز کے ساتھ مل کر پاور ہاؤسز پر اپنی حاضری اور موجودگی کو ہر صورت یقینی بنائیں۔ان اقدامات کا بنیادی مقصد یہ ہے کہ سیلاب کی صورتحال ختم ہونے تک عوام کو بجلی کی مسلسل اور بلا تعطل فراہمی میں کوئی دشواری پیش نہ آئے۔وزیر اعلیٰ نے ہدایت کی ہے کہ ریجن کے چیف انجینئرز، سپرٹینڈنگ انجینئرز کی معاونت سے تمام متعلقہ افسران اور عملے کی حاضری کا خود معائنہ کریں گے اور باقاعدہ ڈیوٹی روسٹر ترتیب دے کر اسے برقرار رکھیں گے۔ڈیوٹی میں کسی بھی قسم کی غفلت یا لاپروائی کو برداشت نہیں کیا جائے گا اور خلاف ورزی کرنے والوں کے خلاف متعلقہ قوانین اور قواعد کے تحت سخت قانون جوئی کی جائے گی۔وزیر اعلیٰ نے صوبائی سیکریٹری برقیات کو احکامات فوری طور پر نافذ العمل کرنے کی ہدایت کی ہے تاکہ قدرتی آفت کے اس دور میں عوامی مشکلات کا بروقت ازالہ کیا جا سکے۔

بھارت میں نوجوانوں کی احتجاجی تحریک. سیدہ تسکین بخت

مٹی کا قرض. مشی خان وسیز

urdu news update Flood Emergency