سلیم بھائی کی سالگرہ (10 اگست) کے موقع پر خصوصی پر خصوصی تحریر. ڈاکٹر نبیل احمد نبیللاہور، پاکستان
مکرمی سلیم خان صاحب متنوع اوصاف کے حامل نہایت حلیم الطبع انسان ہیں۔ اُن کے اندر متعدد اوصاف ایسے ہیں، جن کی تحسین کرنا نہیں پڑتی، دل سے نکلتی ہے۔ ان کو متعدد فلموں کے پورے پورے گانے زبانی یاد ہیں، اُن گانوں کے سِنگرز، میوزِک ڈائریکٹرز کے نام بھی زبانی یاد ہیں اور پھر کون سا گانا کس ہیرو پر فلمایا گیا تھا اور کب، کون سی فلم ریلیز ہوئی تھی؟ فلم کب باکس آفس پر ہِٹ ہوئی تھی اور کون سی فلم کب فلاپ ہوئی تھی اور کیوں فلاپ ہوئی تھی، وغیرہ وغیرہ۔
سلیم خان صاحب نے اپنی ابتدائی زندگی کراچی میں گزاری، ادویات ساز بین الاقوامی کمپنی میں ملازمت کی اور پھر ایک اور موبائل ٹیلی کام سیکٹر میں محنت، لگن اور جاں فشانی کے ساتھ گراں قدر خدمات انجام دیں۔
اِن دنوں وہ امریکہ میں قیام پذیر ہیں اور اردو زبان و ادب کی خدمت پر معمور ہیں۔ کئی ایک حوالوں سے نئی نئی چیزیں تلاش کرکے لاتے ہیں اور دوستوں کو ورطہ حیرت میں ڈالنے کی کوشش میں لگے رہتے ہیں اور اس کوشش میں بھی وہ جی جان لگانے کا ہنر رکھتے ہیں۔ اُن کی شخصیت کے متعدد پہلو ہیں، اُن پہلوؤں میں سے ایک پہلو اُن کا حلیم الطبع ہونا ہے، جس کا آغاز ہی میں مذکور ہے۔ اب اُن کی طبع کی بات چلی ہے تو واضح رہے کہ اُن کی طبع بھی موزوں ہے، لیکن اُنھوں نے کبھی کسی محفل میں اپنے شاعر ہونے کا نہ تو اعلان کیا ہے اور نہ ہی کبھی اپنے شاعر ہونے کا دعویٰ کیا ہے۔ اگر وہ چاہتے تو پانچ سات غزلوں کے بعد اپنے شاعر ہونے کا دعویٰ اور اعلان دونوں کر سکتے تھے مگر اُنھوں نے ہمیشہ ادبی ایمان دار اور دیانت داری کا دامن تھامے رکھا اور اپنے شاعر ہونے کا ہرگز ہرگز اعلان نہیں کیا۔
اب اُن کی ایک اور خوبی کا ذکر کرتا چلوں؛ وہ یہ کہ
اُنھیں غالب کے متعدد اشعار زبانی یاد ہیں اور اُن کی شرح بھی، وہ نہایت عمدگی کے ساتھ اُن کی شرح کرتے چلے ہیں مگر اُنھوں نے کبھی اپنی غالب شناسی کا بھی اعلان و دعویٰ نہیں کیا۔ اُن کی شخصیت کی ایک اور جہت یہ ہے کہ وہ اُردو کے متعدد شعرا کے ساتھ اُٹھے بیٹھے ہیں اور اُن کا نہایت محبت و احترام کے ساتھ ذکر کرتے ہیں۔ وہ اپنے سے عمر میں چھوٹوں سے بھی نہایت محبت اور احترام کے ساتھ بات کرتے ہیں اور اپنے سے کم عمروں کو یہ احساس تک نہیں ہونے دیتے کہ وہ اُن سے عمر میں بہت بڑے ہیں۔ کتنی ہی خوبیاں اور اوصاف ہیں، جن کے حامل مکرمی سلیم خان صاحب عرف سلیم بھائی ہیں۔
مکرمی سلیم خان صاحب کو دل کی اتھاہ گہرائیوں سے سالگرہ مبارک
مکرمی سلیم بھائی
ہر سال اپنی خود کی سالگرہ مناتے رہیں۔ کیک کاٹتے رہیں۔ شاد و دل شاد رہیں۔
جشن کس کی آزادی کا؟؟؟ سلیم بیتاب شگری
میں کس چیز کی آزادی مناؤں؟ بتول فاطمہ
Special Tribute Birthday
