شگر سپناگٹک چوٹی پر دوران کوہ پیما جان بحق ہونے والے ڈاکٹر اسما مشتاق کی میت ریسکیو کرنے والی شگر کی رضاکار ٹیم کے اعزاز میں تقریب
رپورٹ،عابد شگری 5 سی این نیوز
شگر سپناگٹک چوٹی پر دوران کوہ پیما جان بحق ہونے والے ڈاکٹر اسما مشتاق کی میت ریسکیو کرنے والی شگر کی رضاکار ٹیم کے اعزاز میں تقریب ، ڈاکٹر اسما مشتاق کی میت کو تقریباً 7 ہزار میٹر کی بلندی سے انتہائی دشوار گزار اور نامساعد موسمی حالات میں ریسکیو کرکے نیچے منتقل کرنے والی شگر کی رضاکار ریسکیو ٹیم کے اعزاز میں ڈپٹی کمشنر شگر شیر افضل کی جانب سے خصوصی تقریب کا اہتمام کیا گیا۔ شگر پہنچنے پر ریسکیو ٹیم کا پرتپاک استقبال کیا گیا۔ تقریب میں ضلعی انتظامیہ، عمائدین اور دیگر افراد نے شرکت کی اور رضاکاروں کی انسانی خدمت، عزم اور بہادری کو سراہا۔ اس موقع پر خطاب کرتے ہوئے ڈپٹی کمشنر شگر شیر افضل اور دیگر مقررین نے کہا کہ ریسکیو ٹیم نے انتہائی نامساعد حالات اور سخت موسمی صورتحال کے باوجود اپنی جانیں خطرے میں ڈال کر ڈاکٹر اسما مشتاق کی میت کو تقریباً 7 ہزار میٹر کی بلندی سے بحفاظت نیچے منتقل کیا، جو قابلِ تعریف اور قابلِ فخر کارنامہ ہے۔ مقررین نے کہا کہ رضاکاروں نے بے لوث خدمت اور بہادری کا مظاہرہ کرتے ہوئے گلگت بلتستان کا مثبت چہرہ دنیا کے سامنے پیش کیا اور شگر کا نام فخر سے بلند کیا۔ ان کی خدمات نہ صرف شگر بلکہ پورے گلگت بلتستان کے لیے باعثِ اعزاز ہیں۔ تقریب کے اختتام پر ڈپٹی کمشنر شگر کی جانب سے ریسکیو آپریشن میں حصہ لینے والے رضاکاروں میں نقد انعامات اور تعریفی اسناد بھی تقسیم کی گئیں۔ مقررین نے امید ظاہر کی کہ ریسکیو ٹیم کے ارکان آئندہ بھی مشکل حالات میں انسانی جانوں کے تحفظ اور خدمتِ خلق کے لیے اپنا کردار ادا کرتے رہیں گے۔
شگر سپناگٹک چوٹی پر دوران کوہ پیما جان بحق ہونے والے ڈاکٹر اسما مشتاق کی میت ریسکیو کرنے والی شگر کی رضاکار ٹیم کے اعزاز میں تقریب

>صنف: اسلامی سرگرمی . عنوان: خاموش انقلاب :بتول فاطمہ

ہمارے سکیورٹی فورسز کا ایک حاضر سروس افیسر نے اشرف بیگ کا ایک کروڑ روپے کا گاڑی ائیر پورٹ مہمان لینے کے بہانے لے گیا اور ٹاپوں ٹاپ بابوسر چلاس پکڑا گیا، یہ بلتیوں کو لوٹنے کا سلسلے کب بند ہوگا

نقد و نظر بر نظم “شہر کس کا ہے”از قلم یاسمین اختر طوبیٰ ریسرچ اسکالر گوجرہ، پاکستان . شاعر: کامران مغل

Spantik Peak