بنوں اور اطراف میں فورسز کی کارروائیاں، بھارتی پراکسی فتنہ الخوارج کے 24 دہشت گرد ہلاک
رپورٹ، 5 سی این نیوز
بنوں اور اطراف میں فورسز کی کارروائیاں، بھارتی پراکسی فتنہ الخوارج کے 24 دہشت گرد ہلاک، سکیورٹی فورسز اور قانون نافذ کرنے والے اداروں نے بنوں اور ملحقہ علاقوں میں کارروائیاں کرتے ہوئے 24 خوارج ہلاک کر دیئے۔ پاک فوج کے شعبہ تعلقات عامہ (آئی ایس پی آر) کے مطابق خودکش دھماکے کے ذمہ دار عناصر کے خلاف کارروائیاں تیز کر دی گئی ہیں، بنوں اور ملحقہ علاقوں میں گزشتہ 24 گھنٹوں کے دوران شدید فائرنگ کے تبادلوں کے بعد 24 دہشت گردوں کو انجام تک پہنچا دیا گیا، ہلاک دہشت گردوں کے قبضے سے بھاری مقدار میں اسلحہ اور گولہ بارود بھی برآمد کیا گیا ہے۔
آئی ایس پی آر کے مطابق ہلاک دہشت گرد بھارتی پراکسی “فتنہ الخوارج” سے تعلق رکھتے تھے۔ ترجمان پاک فوج کا کہنا ہے کہ بنوں میں حالیہ خودکش حملے کے تمام سہولت کاروں اور ذمہ داروں کو انصاف کے کٹہرے میں لایا جائے گا، علاقے میں کلیئرنس اور انٹیلی جنس بیسڈ آپریشنز بلا تعطل جاری رہیں گے۔
خاموش لوگوں کی چیخیں. وہ مسائل جو کبھی خبروں کی زینت نہیں بنتے؟ انجینیئر علی رضوان چوہدری
کھرمنگ میں چراگاہ کے تنازع پر خونریز تصادم، 3 افراد جاں بحق، متعدد زخمی، احتجاج جاری
urdu news update Security Forces Kill 24 Indian Proxy Fitna al-Khawarij
