شگر حاجی وزیر فداعلی شگر ٹاؤن منیجمنٹ اینڈ ڈویلپمنٹ سوسائٹی کے نویں مرتبہ بلا مقابلہ چیئرمین منتخب
رپورٹ، 5 سی این نیوز
شگر حاجی وزیر فداعلی شگر ٹاؤن منیجمنٹ اینڈ ڈویلپمنٹ سوسائٹی کے نویں مرتبہ بلا مقابلہ چیئرمین منتخب
شگر حاجی وزیر فداعلی شگر ٹاؤن منیجمنٹ اینڈ ڈویلپمنٹ سوسائٹی کے نویں مرتبہ بلا مقابلہ چیئرمین منتخب، موجودہ کابینہ کی تین سالہ آئینی مدت مکمل ہونے پر شگر ٹاؤن منیجمنٹ اینڈ ڈویلپمنٹ سوسائٹی کا اہم اجلاس سوسائٹی آفس، شگر میں منعقد ہوا، جس میں تمام ممبران نے شرکت کی اور گزشتہ تین سالہ کارکردگی کا تفصیلی جائزہ لیا۔ اجلاس کے دوران تمام ممبران کے متفقہ فیصلے کے مطابق حاجی وزیر فداعلی کو مسلسل نویں مرتبہ بلا مقابلہ چیئرمین منتخب کیا گیا۔ ممبران نے ان کی طویل خدمات، دیانت داری، شفاف طرزِ قیادت اور عوامی خدمت کے جذبے پر بھرپور اعتماد کا اظہار کرتے ہوئے انہیں دوبارہ منصب سنبھالنے کی پرزور درخواست کی، جسے انہوں نے قبول کرلیا۔اس موقع پر حاجی وزیر فداعلی نے اپنے گزشتہ تین سالہ دورِ صدارت کی کارکردگی پیش کرتے ہوئے سوسائٹی کے زیرِ اہتمام مکمل کیے گئے ترقیاتی منصوبوں، انتظامی اصلاحات اور عوامی فلاح کے لیے کیے گئے اقدامات سے شرکائے اجلاس کو آگاہ کیا۔ انہوں نے جاری ترقیاتی اسکیموں اور مستقبل کے منصوبہ جات پر بھی تفصیلی بریفنگ دی۔ اجلاس سے خطاب کرتے ہوئے حاجی وزیر فداعلی نے ممبران کی جانب سے ایک بار پھر اعتماد کا اظہار کرنے پر ان کا شکریہ ادا کیا اور یقین دلایا کہ وہ آئندہ بھی سوسائٹی کی ترقی، شفاف انتظام، عوامی خدمت اور شگر شہر کی بہتری کے لیے اپنی ذمہ داریاں پوری دیانت داری اور خلوص کے ساتھ ادا کرتے رہیں گے۔اجلاس کے اختتام پر ممبران نے حاجی وزیر فداعلی کو نویں مرتبہ بلا مقابلہ چیئرمین منتخب ہونے پر مبارکباد پیش کی اور اس عزم کا اظہار کیا کہ ان کی قیادت میں شگر ٹاؤن منیجمنٹ اینڈ ڈویلپمنٹ سوسائٹی ترقی، بہتر انتظام اور عوامی فلاح کے سفر کو مزید مؤثر انداز میں جاری رکھے گی۔
رونالڈو: ایک کھلاڑی نہیں، ایک پورا عہد رخصت ہوا. سلیم خان ہیوسٹن (ٹیکساس) امریکا
کردار کا بحران معاشرے کا سب سے بڑا المیہ . انجینیئر علی رضوان چوہدری
urdu news update Chairman of Shigar Town Management
