بلائنڈ لیک (جرباژھو) میں ڈوبنے والے دو نوجوانوں کو بروقت سیاح ڈاکٹر نے انتہائی مہارت سے سی پی ار دینے کی وجہ سے زندگی بچ گئے نامعلوم سیاحڈاکٹر کا شکرگزار ہیں اہل علاقہ
رپورٹ، 5 سی این نیوز
بلائنڈ لیک (جرباژھو) میں ڈوبنے والے دو نوجوانوں کو بروقت سیاح ڈاکٹر نے انتہائی مہارت سے سی پی ار دینے کی وجہ سے زندگی بچ گئے نامعلوم سیاحڈاکٹر کا شکرگزار ہیں اہل علاقہ
شگر: بلائنڈ لیک (جرباژھو) میں پیش آنے والا ایک افسوسناک واقعہ بروقت امدادی کارروائیوں، مقامی افراد کی جرات اور سیاحڈاکٹروں کی پیشہ ورانہ مہارت کے باعث خوشگوار انجام تک پہنچ گیا۔ تیراکی کے دوران ڈوبنے والے دو نوجوان،مسلم حیدر اور اعجاز، بروقت ریسکیو اور طبی امداد کے نتیجے میں صحت یاب ہو رہے ہیں۔
اطلاعات کے مطابق دونوں نوجوان تیراکی کے دوران گہرے پانی میں ڈوب گئے، جس سے موقع پر موجود افراد میں تشویش کی لہر دوڑ گئی۔ اس نازک موقع پر مقامی تیراک عابد نے غیر معمولی بہادری کا مظاہرہ کرتے ہوئے اپنی جان کی پروا کیے بغیر فوراً پانی میں چھلانگ لگا دی اور دونوں نوجوانوں کو بحفاظت باہر نکال لیا۔ تفصلات کے مطابق وہاںسیاحتی مقام ہونے کے وجہ سے وہاں کافی لوگ ائے ہوئے تھے، جس میںپنجاب سے ائے ہوے سیاح ڈاکٹر نے سی پی آر دے کر دونوں نوجوانوں کو ہسپتال منتقل کر دیا، عینی شاہدین کے مطابق موقع پر موجود ایک خاتون ڈاکٹر، جن کا تعلق غالباً کراچی سے بتایا جاتا ہے، نے فوری طور پر سی پی آر (CPR) فراہم کی، جس سے دونوں نوجوانوں کی جان بچانے میں اہم کردار ادا ہوا۔ چونکہ دونوں کافی دیر تک پانی میں رہے تھے، اس لیے ان کی حالت انتہائی تشویشناک تھی۔
اسی دورانعسکری اورمظاہر نے فوری طور پر ریسکیو اداروں کو اطلاع دی، جبکہ ریسکیو ٹیم کے پہنچنے سے قبل مقامی افراد، جن میں ایک شخص کا تعلق سکردو سے بتایا جاتا ہے جبکہ دوسرے ڈرائیور کی شناخت معلوم نہ ہو سکی، نے اپنی گاڑی میں دونوں زخمیوں کو فوری طور پر لمسہ منتقل کیا۔ بعد ازاں انہیں ایمبولینس کے ذریعےرورل ہیلتھ سینٹر شگر پہنچایا گیا۔
رورل ہیلتھ سینٹر شگر میں میڈیکل آفیسر ڈاکٹر لیاقت نے فوری طبی امداد فراہم کرتے ہوئے دونوں مریضوں کے پھیپھڑوں میں جمع پانی نکالنے کی بھرپور کوشش کی۔ چونکہ پانی بھر جانے کے باعث ان کا آکسیجن لیول انتہائی کم ہو چکا تھا، اس لیے انہیں مزید علاج کے لیے فوری طور پآر ایچ کیو ہسپتال سکردو منتقل کر دیا گیا۔ آر ایچ کیو ہسپتال سکردو میں ماہر ڈاکٹروں نے فوری علاج شروع کیا۔ دونوں نوجوان تقریباً دو روز تک وینٹی لیٹر پر زیرِ علاج رہے، جس کے بعد انہیں ہوش آ گیا۔ الحمدللہ، اب دونوں کی حالت خطرے سے باہر ہے اور انہیں جنرل وارڈ میں منتقل کر دیا گیا ہے۔
اہلِ خانہ اور مقامی عوام نے ان تمام ڈاکٹروں، پیرا میڈیکل اسٹاف اور امدادی کارکنوں کا دلی شکریہ ادا کیا جنہوں نے بروقت اور پیشہ ورانہ خدمات انجام دے کر دو قیمتی جانوں کو بچانے میں اہم کردار ادا کیا۔ خصوصاً **ڈاکٹر الیاس، ڈاکٹر ساجد، ڈاکٹر ظہور، ڈاکٹر لیاقت، ڈاکٹر نائلہ اور موقع پر موجود خاتون سیاح ڈاکٹر کی خدمات کو سراہا جا رہا ہے، جن کا نام معلوم نہیں ہو سکا۔ اسی طرح مقامی نوجوانعابدین کی بہادری اور انسانی ہمدردی کو بھی بھرپور خراجِ تحسین پیش کیا جا رہا ہے، جنہوں نے خطرے کی پروا کیے بغیر پانی میں چھلانگ لگا کر دونوں نوجوانوں کی جان بچائی۔ مقامی عوام نےڈسٹرکٹ ایڈمنسٹریشن شگرے مطالبہ کیا ہے کہ عابدین کی اس بے مثال جرات، بہادری اور انسانی خدمت کے اعتراف میں انہیں تعریفی سرٹیفکیٹیا مناسب سرکاری اعزاز سے نوازا جائے تاکہ معاشرے میں ایسے قابلِ تقلید اقدامات کی حوصلہ افزائی ہو۔ آخر میں اہلِ خانہ نے ان تمام افراد کا بھی شکریہ ادا کیا جنہوں نے اس مشکل وقت میں دونوں نوجوانوں کی صحت یابی کے لیے دعائیں کیں۔ ان کا کہنا ہے کہ اللہ تعالیٰ کے فضل، عوام کی دعاؤں اور بروقت امدادی اقدامات کے باعث آج دونوں نوجوان زندگی کی طرف واپس لوٹ آئے ہیں۔
فیفا ورلڈ کپ 2026: ناک آؤٹ مرحلے میں سنسنی، بڑے اپ سیٹس اور ٹائٹل کی دوڑ مزید دلچسپ
ایجوکیشن فیلوز کی خدمات اور ریاست کی ذمہ داریاں. طہٰ علی تابش بلتستانی
urdu news update blind-lake-shigar-rescue-two-youths-saved
