سینیٹ آف بلتستان یونیورسٹی نے اہم انتظامی، تعلیمی اور مالی اقدامات کی منظوری دے دی
رپورٹ، 5 سی این نیوز
یونیورسٹی آف بلتستان، سکردو (UoBS) کے سینیٹ کا 13واں اجلاس چیئرمین سینیٹ افضل علی شگری کی زیرِ صدارت منعقد ہوا۔
اجلاس میں پروفیسر ڈاکٹر مسعود اختر وائس چانسلر یو او بی ایس، ڈاکٹر فرخندہ منظور؛ پروفیسر ڈاکٹر اشتیاق علی ایچ ای سی نامزد رکن، مسٹر آغا وسیم احمد جوائنٹ سیکریٹری وزارت امور کشمیر و گلگت بلتستان، راجہ راشد علی سیکریٹری ہائر ایجوکیشن گلگت بلتستان،خواجہ مہر داد، محمد ظہیر، ڈاکٹر علمدار حسین، ڈاکٹر محمد عیسیٰ، ناصر عباس، اور ڈاکٹر میر عالم رجسٹرار و سیکریٹری سینیٹ نے شرکت کی۔ سینیٹ نے یونیورسٹی کے انتظامی امور، تعلیمی تنظیمِ نو، ادارہ جاتی ترقی، الحاق، انسانی وسائل اور مالیاتی نظم و نسق سے متعلق متعدد اہم اقدامات کی منظوری دی۔ اہم فیصلوں میں فرسٹ اسٹیچوٹس اور ایچ ای سی کے تقاضوں کے مطابق فیکلٹیز اور شعبہ جات کی تنظیمِ نو و ہم آہنگی، ڈائریکٹوریٹ آف ایڈوانسڈ اسٹڈیز اینڈ ریسرچ (DASR) کو مزید مؤثر بنانا، کالجز کے نئے اور تجدید شدہ الحاقات کی منظوری، رخصت کے قواعد میں ترامیم اور یو او بی ایس ایڈجنکٹ فیکلٹی پالیسی 2026 کی منظوری شامل ہے۔ سینیٹ نے مالی سال 2024-25 کے حقیقی بجٹ (Actual Budget)، مالی سال 2025-26 کے نظرثانی شدہ/حقیقی بجٹ (Revised/Actual Budget) اور مالی سال 2026-27 کے بجٹ تخمینوں (Budget Estimates) کی بھی منظوری دی۔ اجلاس میں سالانہ رپورٹ 2025 بھی پیش کی گئی۔ چیئرمین سینیٹ مسٹر افضل علی شگری نے ادارہ جاتی ترقی کے لیے یونیورسٹی انتظامیہ کی کاوشوں کو سراہتے ہوئے سینیٹ کے فیصلوں پر بروقت عمل درآمد کی اہمیت پر زور دیا۔ وائس چانسلر پروفیسر ڈاکٹر مسعود اختر نے سینیٹ کو یونیورسٹی کی پیش رفت اور مستقبل کے لائحہ عمل پر بریفنگ دی، جس میں تعلیمی معیار، تحقیق اور ادارہ جاتی استحکام کو خصوصی اہمیت حاصل رہی۔
وقت بدلتے دیر نہیں لگتی. آمینہ یونس ،بلتستانی
شاہین سٹوڈنٹس آرگنائزیشن کی عصری کاوشیں،
University of Baltistan Skardu
