شگر محکمہ مواصلات و تعمیراتِ عامہ میں بھرتیوں میں تاخیر، ہزاروں نوجوان غیر یقینی کا شکار
رپورٹ، 5 سی این نیوز
شگر محکمہ مواصلات و تعمیراتِ عامہ میں بھرتیوں میں تاخیر، ہزاروں نوجوان غیر یقینی کا شکار
شگر محکمہ مواصلات و تعمیراتِ عامہ میں بھرتیوں میں تاخیر، ہزاروں نوجوان غیر یقینی کا شکار, محکمہ مواصلات و تعمیراتِ عامہ گلگت بلتستان میں مشتہر کی گئی خالی آسامیوں پر بھرتیوں کے عمل میں مبینہ غیر ضروری تاخیر کے باعث ہزاروں تعلیم یافتہ نوجوان شدید بے چینی اور غیر یقینی صورتحال سے دوچار ہیں۔امیدواروں کے مطابق وہ مذکورہ آسامیوں کے لیے چار مرتبہ درخواستیں جمع کرا چکے ہیں، تاہم تاحال ٹیسٹ اور انٹرویوز کے شیڈول کا اعلان نہ ہونے کے باعث بھرتی کا عمل آگے نہیں بڑھ سکا۔ متاثرہ امیدواروں کا کہنا ہے کہ روزگار کی امید میں طویل عرصے سے انتظار کرنے والے نوجوان اب ذہنی اذیت اور مایوسی کا شکار ہو رہے ہیں۔ ان کے مطابق سرکاری اداروں میں خالی آسامیوں پر بروقت بھرتیاں نہ ہونے سے نہ صرف نوجوانوں کے مستقبل پر سوالیہ نشان پیدا ہو رہا ہے بلکہ محکمہ بھی مطلوبہ افرادی قوت کی کمی کا سامنا کر رہا ہے۔امیدواروں نے حکومت گلگت بلتستان اور متعلقہ حکام سے مطالبہ کیا ہے کہ بھرتیوں کے عمل میں مزید تاخیر نہ کی جائے اور فوری طور پر ٹیسٹ اور انٹرویوز کا شیڈول جاری کیا جائے۔ نوجوانوں کا کہنا ہے کہ بھرتی کا عمل شفاف، میرٹ پر اور بلاجواز تاخیر کے بغیر مکمل کیا جائے تاکہ اہل امیدواروں کو ان کا حق مل سکے اور ہزاروں نوجوانوں میں پائی جانے والی بے چینی کا خاتمہ ہو۔ امیدواروں نے حکومت سے اپیل کی ہے کہ اس معاملے کو ترجیحی بنیادوں پر حل کرتے ہوئے خالی آسامیوں پر بھرتی کا عمل جلد مکمل کیا جائے۔

شگر کے ٹو کے دامن میں امام سجاد میڈیکل سنٹر کا قیام، غوینگو بیانگسہ کے عوام کو بنیادی صحت کی سہولت میسر آگئی

شگر کی دو بیٹیوں کا بڑا اعزاز، کومل زہرا اور عاطفہ بتول پہلی AFNS آفیسرز بن گئیں

Delays in Shigar Public Works Department Recruitment