“ان بارشوں سے دوستی اچھی نہیں فراز ” علی جعفر
گلگت بلتستان میں حالیہ بارشوں نے سیلاب کی شکل اختیار کر لیا، جس کی وجہ سے کئی علاقے سیلاب کی زد میں آ گئے۔ کئی مکانات تباہ ہوئے، لوگوں کے مال مویشیاں بہہ گئیں، اور رہی سہی کسر روڈ کی بندش نے نکال دی۔ انہی ایام میں گمبہ سکردو میں اسد عاشورہ منعقد ہوا۔ ان تمام حالات و واقعات میں جہاں غریب طبقہ بری طرح متاثر ہوا، وہیں سرمایہ داروں نے خوب منافع بھی کمایا۔

اسی پر مجھے احمد فراز کا یہ شعر یاد آیا؛
ان بارشوں سے دوستی اچھی نہیں فراز
کچا تیرا مکان ہے کچھ تو خیال کر

حالیہ دنوں کی تباہ کاری پر یہ شعر ضرب المثل بن کر سامنے آیا ہے۔
اس شعر میں شاعر نے ہمارے معاشرے کے افسوسناک عمل کو اجاگر کرنے کی کوش کی ہے۔ اگرچہ اس کی کئی تشریحات ہو سکتا ہے ۔

گلگت بلتستان میں حالیہ دنوں کی بارشوں نے کئی لوگوں کو بے نقاب کیا،وہ جو اپنے آپ کو مسلمان کہتے اور انسانیت کا ہمدرد سمجھتے تھے، ان بارشوں نے ان کے چہروں سے وہ ماسک بھی اتار کے رکھ دیا اور اصلیت ظاہر کر دیا ۔

ہمارے ایک بزرگ کہا کرتے تھے؛ڈوگرہ راج کے زمانے میں جب محرم الحرام کا مہینہ آتا تھا، یا مسلمانوں کا کوئی اہم دن ہوتا تو تمام سکھ تاجر اشیاء کی قیمتوں میں کمی کر دیتے، حتیٰ کہ محرم الحرام کے لیے الگ کوٹہ مقرر کیا جاتا تھا۔

لیکن افسوس! ہم نے اپنی آنکھوں سے دیکھا کہ جب محرم الحرام شروع ہوا تو ظالم و جابر مسلمان حکمرانوں نے یہاں کا مخصوص کوٹہ ختم کر دیا۔ جب عشرۂ اسد عاشورہ شروع ہونے والا تھا تو ہمارے مسلمان تاجروں نے گوشت آٹھ سو روپے کلو، ٹماٹر چھ سو روپے کلو، پیاز، آلو، مٹر اور دیگر سبزیوں کی قیمتیں بھی آسمان تک پہنچا دیں!!

میں نے خود اپنی آنکھوں سے دیکھا کہ غریبوں نے، مولا کے حقیقی ماننے والوں نے پھر بھی غمِ حسینؑ کو ترک نہیں کیا۔ لیکن ان بارشوں نے یہی پیغام دیا کہ منافق، جھوٹے اور منافع خور لوگ ہر معاشرے میں موجود ہیں۔ کبھی کبھار اللہ اپنی رحمت کی فراوانی سے ان کے چہرے سے نقاب ہٹا دیتے ہیں، تاکہ لوگوں کو حقیقی مومن اور بناوٹی مومن کی پہچان ہو سکے۔

بھارت میں نوجوانوں کی احتجاجی تحریک. سیدہ تسکین بخت

مٹی کا قرض. مشی خان وسیر
column in urdu in-barishon-se-dosti-achi-nahi