امید نو . زوبیہ حسیب
مخلوقِ خدا، قدرت کا سب سے خوبصورت شاہکار ہے۔ اللہ تعالیٰ نے اپنی مخلوق کو سب سے منفرد اور ممتاز بنایا ہے۔ انسان کو سوچ اور ہنر جیسی عظیم نعمتوں سے نواز کر اپنی کبریائی اور قدرت کا بھرپور مظاہرہ فرمایا۔ انسان کی سوچ اور طرزِ زندگی ہی اسے اپنی منفرد شناخت عطا کرتے ہیں۔

اسی طرح میں نے بھی بطورِ لکھاری اپنے الفاظ اور ہنر کو آزمانے کی کوشش کی۔ اس کوشش نے میرے جذبے کو جِلا بخشی اور میں نے ایک ایسے سفر کا آغاز کر دیا، جس کی منزل تو بہت دور تھی، مگر مجھے اس راستے کی ڈگر سے بھی پوری طرح واقفیت نہ تھی۔ میں نے اپنے ذوق کی انگلی تھامی، اپنے رب پر بھروسا کیا اور چل پڑی۔

تخیل کی چار دیواری سے نکل کر احساس ہوا کہ تخیل کی دنیا ہی سب سے زیادہ پُرامن اور بھروسا دینے والی دنیا ہے۔ حقیقت کے اس گہرے سمندر میں ایسے لوگ بھی ملے جو اپنی تسکین کے لیے کمزور انسانوں کو نگل جانے سے بھی دریغ نہیں کرتے۔ نفسا نفسی کے اس عالم میں ہر ذی روح اپنی ذات تک محدود ہو چکا ہے۔

اس تمام صورتِ حال نے میرے جذبے کو مزید بلند کر دیا۔ مجھے اس سمندر میں ایک ایسا قلعہ تعمیر کرنا تھا، جہاں ہر ڈوبتے ہوئے شخص کو سہارا مل سکے۔ پھر کیا تھا، میں نے اپنی ساتھی بہنوں کے ساتھ مل کر ایک ایسے ادارے کی بنیاد رکھی، جس نے بکھرتے اور مندمل ہوتے لفظوں کو ایک محفوظ ٹھکانہ عطا کیا۔

“قلم و قرطاس انٹرنیشنل” صرف ایک ادارہ نہیں، بلکہ ایک ایسا مضبوط قلعہ ہے جس کے گرد میرے جنون، عزم اور حوصلے کا حصار قائم ہے۔

اس ادارے نے مجھے وہ عزت اور مقام عطا کیا، جس کے لیے میں نے کبھی اپنے رب سے دعائیں مانگی تھیں۔ یہاں صرف الفاظ ہی نہیں، بلکہ جذبات، تخیل، تہذیب اور تاریخ کو بھی ایک نئی امید ملی ہے۔

میں آج فخر سے کہتی ہوں کہ میں ایک ایسے شاندار قلعے کی نگہبان ہوں، جس کے تہہ خانوں میں محبت، اخلاص، ہنر اور ادب کا قیمتی سرمایہ محفوظ ہے۔ میں اس قلعے میں بسنے والے ہر فرد کی دل سے قدر کرتی ہوں، جس نے نہ صرف اس قلعے کو سنوارا بلکہ اسے مزید مضبوط، باوقار اور مفید بنانے میں اپنا کردار ادا کیا۔

اللہ تعالیٰ سے دعا ہے کہ میرے بعد بھی یہ ادارہ اسی شان و شوکت کے ساتھ قائم رہے، ادب کی خدمت کرتا رہے اور اہلِ قلم کے لیے امید کا چراغ بنا رہے۔

آمین۔

بانی و سرپرست
قلم و قرطاس انٹرنیشنل
زوبیہ حسیب

“میگنیفیکا ہیومینیٹاس”: انسانی وقار اور مصنوعی ذہانت کا اخلاقی منشور. سیدہ تسکین بخت

اسلام آباد گلگت بلتستان ہاؤس اسلام آباد میں منیجنگ ڈائریکٹر ناردرن ایریاز ٹرانسپورٹ کارپوریشن (نیٹکو) زاکر حسین کی سربراہی میں نیٹکو اور ڈائیوو ایکسپریس کے درمیان باہمی تعاون کے فروغ کے حوالے سے ایک اہم اجلاس

کالم ،میرا سفر ،گمنام لڑکا

column in urdu Hope Renewed