اسلام آباد گلگت بلتستان ہاؤس اسلام آباد میں منیجنگ ڈائریکٹر ناردرن ایریاز ٹرانسپورٹ کارپوریشن (نیٹکو) زاکر حسین کی سربراہی میں نیٹکو اور ڈائیوو ایکسپریس کے درمیان باہمی تعاون کے فروغ کے حوالے سے ایک اہم اجلاس
اسلام آباد گلگت بلتستان ہاؤس اسلام آباد میں منیجنگ ڈائریکٹر ناردرن ایریاز ٹرانسپورٹ کارپوریشن (نیٹکو) زاکر حسین کی سربراہی میں نیٹکو اور ڈائیوو ایکسپریس کے درمیان باہمی تعاون کے فروغ کے حوالے سے ایک اہم ابتدائی اجلاس ۔ نیٹکو کی جانب سے جنرل منیجر ساؤتھ ریجن سید واثق حسین، جنرل منیجر ورکس ممتاز حسین، منیجر ورکس محمد عمران، اسسٹنٹ منیجر ندیم شگری اور ممبر ریپئر آصف الدین نے شرکت کی، جبکہ ڈائیوو ایکسپریس کی نمائندگی ڈپٹی جنرل منیجر آپریشنز ساؤتھ ریجن اسد عباس شاہ اور منیجر راولپنڈی آپریشنز وسیم طاہر نے کی۔ اجلاس کا مقصد نیٹکو اور ڈائیوو ایکسپریس کے درمیان کارگو سروسز، مسافر ٹرانسپورٹ، آپریشنل تعاون اور کاروباری ترقی سمیت اہم شعبوں میں شراکت داری کے امکانات کا جائزہ لینا اور مستقبل کے لائحہ عمل پر تبادلۂ خیال کرنا تھا۔ اس دوران دونوں اداروں کے تجربات، وسائل اور وسیع نیٹ ورک سے مشترکہ استفادے کے مختلف پہلوؤں پر تفصیلی گفتگو کی گئی۔ اجلاس میں اس بات پر اتفاق کیا گیا کہ باہمی تعاون کو مؤثر انداز میں آگے بڑھانے کے لیے ایک مشترکہ ورکنگ ریلیشن شپ گروپ تشکیل دیا جائے گا، جو آئندہ دو ہفتوں کے اندر قابلِ عمل تجاویز پر مشتمل جامع رپورٹ پیش کرے گا۔ اس رپورٹ کی روشنی میں دونوں اداروں کے درمیان شراکت داری کو عملی شکل دی جائے گی۔اجلاس میں یہ بھی طے پایا کہ ڈائیوو ایکسپریس کے تجربات سے استفادہ کرتے ہوئے نیٹکو کے عملے کی تربیت، استعدادِ کار میں اضافہ، مہارتوں کی منتقلی (نالج شیئرنگ) اور ادارہ جاتی تعاون کے فروغ کے لیے مشترکہ اقدامات کیے جائیں گے، تاکہ انسانی وسائل کو جدید تقاضوں سے ہم آہنگ کرتے ہوئے خدمات کے معیار کو مزید بہتر بنایا جا سکے۔ شرکاء نے اس امید کا اظہار کیا کہ نیٹکو اور ڈائیوو ایکسپریس کے درمیان یہ شراکت داری نہ صرف دونوں اداروں کی کاروباری سرگرمیوں کو نئی جہت دے گی بلکہ ملک بھر، بالخصوص گلگت بلتستان، میں کارگو اور مسافر ٹرانسپورٹ سروسز کو مزید مؤثر، تیز رفتار، محفوظ اور قابلِ اعتماد بنانے میں بھی اہم کردار ادا کرے گی۔
میگنیفیکا ہیومینیٹاس”: انسانی وقار اور مصنوعی ذہانت کا اخلاقی منشور. سیدہ تسکین بخت
urdu news update NETCO Daewoo Express Discuss Strategic Partnership
