شگر: مشہ بروم ایکسپڈیشن کے دوران چیک ریپبلک سے تعلق رکھنے والا غیر ملکی کوہ پیما جاں بحق
رپورٹ 5 سی این نیوز
شگر: ضلع شگر میں واقع دنیا کی بلند ترین چوٹیوں میں شمار ہونے والے مشہ بروم پر جاری ایکسپڈیشن کے دوران جمہوریہ چیک (چیک ریپبلک) سے تعلق رکھنے والا غیر ملکی کوہ پیما حادثے کے نتیجے میں جاں بحق ہوگیا۔
ذرائع کے مطابق جاں بحق ہونے والے کوہ پیما کی شناخت مسٹر بانسکی یاروسلاو (Mr. Bansky Jaroslav) کے نام سے ہوئی ہے، جو شگر کی جانب سے مشہ بروم سر کرنے کی مہم پر تھے۔
اطلاعات کے مطابق غیر ملکی کوہ پیما گزشتہ روز کیمپ ون (Camp-1) کے قریب دورانِ کوہ پیمائی پھسل کر گہرائی میں گر گیا، جس کے نتیجے میں وہ شدید زخمی ہوگیا۔ امدادی کوششوں کے باوجود وہ زخموں کی تاب نہ لاتے ہوئے رات کے وقت دم توڑ گیا۔
ذرائع کا کہنا ہے کہ مرحوم کوہ پیما کی میت کو بیس کیمپ سے واپس لایا جا رہا ہے، جبکہ ان کے اہلِ خانہ میت وصول کرنے کے لیے اسلام آباد پہنچ چکے ہیں۔
مقامی انتظامیہ اور متعلقہ ادارے میت کی منتقلی اور ضروری قانونی کارروائی مکمل کرنے کے بعد اسے مرحوم کے آبائی ملک روانہ کرنے کے انتظامات کر رہے ہیں۔
کوہ پیمائی کے ماہرین کا کہنا ہے کہ مشہ بروم دنیا کی مشکل ترین چوٹیوں میں شمار ہوتی ہے، جہاں موسم کی سختی اور دشوار گزار راستوں کے باعث ہر سال کوہ پیماؤں کو مختلف خطرات کا سامنا رہتا ہے۔
مزید تفصیلات موصول ہونے پر خبر کو اپ ڈیٹ کیا جائے گا۔
تفریح کی دنیا کے نئے رجحانات. سلیم خان ہیوسٹن (ٹیکساس) امریکا
” ہمیشہ اچھا وہی نہیں ہوتا جو مفید ہو . فروا وسیم اسوہ گرلز کالج سکردو
urdu news update Tragic Accident on Masherbrum Claims
