شگر ڈپٹی کمشنر شگر شیر افضل کی زیرِ صدارت محکمانہ بریفنگ، ڈی ایچ کیو ہسپتال کا دورہ، تعمیراتی کام میں تاخیر پر سخت نوٹس
شگر ڈپٹی کمشنر شگر شیر افضل کی زیرِ صدارت محکمانہ بریفنگ، ڈی ایچ کیو ہسپتال کا دورہ، تعمیراتی کام میں تاخیر پر سخت نوٹس، ڈپٹی کمشنر شگر، شیر افضل نے اپنے شیڈول کے مطابق آج ایگزیکٹو انجینئر محکمہ تعمیراتِ عامہ شگر اور ڈسٹرکٹ ہیلتھ آفیسر شگر سے محکمانہ بریفنگ لی۔ اس موقع پر دونوں افسران نے اپنے اپنے محکموں کی کارکردگی، جاری ترقیاتی منصوبوں، عوامی سہولیات کی فراہمی کے لیے کیے گئے اقدامات اور درپیش مسائل کے حوالے سے ڈپٹی کمشنر کو تفصیلی بریفنگ دی۔ اجلاس میں تحصیلدار ہیڈکوارٹر سمیت ریونیو فیلڈ اسٹاف بھی موجود تھا۔ ڈپٹی کمشنر شگر نے متعلقہ افسران کو ہدایت کی کہ عوامی فلاح و بہبود سے متعلق تمام منصوبوں کی بروقت تکمیل کو یقینی بنایا جائے، جبکہ ترقیاتی کاموں میں معیار، شفافیت اور رفتار پر کوئی سمجھوتہ نہ کیا جائے۔ بعد ازاں ڈپٹی کمشنر شیر افضل نے ڈسٹرکٹ ہیڈکوارٹر (ڈی ایچ کیو) ہسپتال شگر کا دورہ کیا اور وہاں جاری تعمیراتی کاموں کا معائنہ کیا۔ انہوں نے تعمیراتی کام میں غیر ضروری تاخیر کا سخت نوٹس لیتے ہوئے ذمہ دار عناصر کے خلاف قانونی کارروائی کے لیے تحصیلدار ہیڈکوارٹر شگر کو ضروری ہدایات جاری کیں۔ اس موقع پر متعلقہ حکام نے یقین دہانی کرائی کہ تعمیراتی کام فوری طور پر بحال کر دیا جائے گا اور کل سے باقاعدہ کام کا آغاز کر دیا جائے گا۔ ڈپٹی کمشنر شگر نے اس عزم کا اعادہ کیا کہ ضلع بھر میں جاری تمام ترقیاتی منصوبوں کی بروقت تکمیل، عوام کو معیاری سہولیات کی فراہمی اور سرکاری امور میں بہتری کے لیے ضلعی انتظامیہ مسلسل نگرانی اور مؤثر اقدامات جاری رکھے گی۔
فیفا ورلڈ کپ 2026(فتح، تنازع اور عالمی تاثر) سیدہ تسکین بخت
urdu news update Takes Strict Notice of Construction Delays
