شگر یوم الحاق پاکستان 19جولائی کو شگر میں شایان شان طریقے سے منایا جائے گا ۔ اس موقع پر تقاریب ریلیاں منعقد ہونگے
رپورٹ، 5 سی این نیوز
شگر یوم الحاق پاکستان 19جولائی کو شگر میں شایان شان طریقے سے منایا جائے گا ۔ اس موقع پر تقاریب ریلیاں منعقد ہونگے
شگر یوم الحاق پاکستان 19جولائی کو شگر میں شایان شان طریقے سے منایا جائے گا ۔ اس موقع پر تقاریب ریلیاں منعقد ہونگے۔ ڈپٹی کمشنر شگر شیر افضل کی زیرِ صدارت ضلع کے تمام محکمہ جات کے سربراہان کا ایک اہم اجلاس منعقد ہوا، جس میں یومِ الحاقِ پاکستان کی تقریبات کو شایانِ شان اور قومی جذبے کے مطابق منانے کے حوالے سے تفصیلی غور و خوض کیا گیا۔ اجلاس میں مختلف سرکاری محکموں کے سربراہان نے شرکت کی۔ اس موقع پر ڈپٹی کمشنر شیر افضل نے کہا کہ یومِ الحاقِ پاکستان کشمیری عوام کی پاکستان سے غیرمتزلزل وابستگی، حقِ خود ارادیت کے عزم اور قومی یکجہتی کی علامت ہے۔ انہوں نے کہا کہ اس دن کی مناسبت سے منعقد ہونے والی تقریبات کا مقصد مسئلۂ کشمیر کو اجاگر کرنا، کشمیری عوام کے ساتھ اظہارِ یکجہتی کرنا اور نئی نسل میں حب الوطنی، قومی شعور اور قومی یکجہتی کے جذبے کو فروغ دینا ہے۔ انہوں نے تمام سرکاری اداروں کو ہدایت کی کہ یومِ الحاقِ پاکستان کی تقریبات منظم، باوقار اور بھرپور انداز میں منعقد کی جائیں۔ اجلاس میں فیصلہ کیا گیا کہ ضلع بھر کے سرکاری دفاتر، تعلیمی اداروں اور دیگر سرکاری تنصیبات میں قومی پرچم کشائی کی تقریبات منعقد کی جائیں گی۔ اس کے علاوہ خصوصی سیمینارز، آگاہی واکس، دعائیہ اجتماعات، تقاریر اور دیگر پروگراموں کا انعقاد کیا جائے گا، جبکہ سرکاری عمارتوں کو قومی پرچموں سے آراستہ کیا جائے گا تاکہ قومی جوش و جذبے کا بھرپور اظہار کیا جا سکے۔ ڈپٹی کمشنر شیر افضل نے متعلقہ محکموں کو ہدایت کی کہ تمام پروگراموں کے انعقاد کے لیے باہمی رابطے کو مؤثر بنایا جائے، ذمہ داریوں کی واضح تقسیم کی جائے اور تمام انتظامات بروقت مکمل کیے جائیں۔ انہوں نے اس عزم کا اظہار کیا کہ ضلعی انتظامیہ کے تعاون سے یومِ الحاقِ پاکستان بھرپور قومی جذبے، نظم و ضبط اور وقار کے ساتھ منایا جائے گا تاکہ کشمیری عوام کے ساتھ یکجہتی کا واضح پیغام دیا جا سکے۔
سپاہی سے سالار تک کا سفر” ایک ایسا افسانہ ہے. لقمان اسد
تفریح کی دنیا کے نئے رجحانات. سلیم خان ہیوسٹن (ٹیکساس) امریکا
urdu news update Shigar Celebrate Accession Day
