تخلیق کار انٹرنیشنل. 348 پروگرامز کی تاریخی کارکردگی — 1 سال 9 ماہ کے منفرد ادبی سفر کی شاندار روداد
پریس ریلیز / کارکردگی رپورٹ
18 ستمبر 2026 تک
تخلیق کار انٹرنیشنل کی جانب سے تمام اہلِ علم و ادب، شعرائے کرام، ادیبوں، تخلیق کاروں اور معزز احباب کی خدمت میں آداب و محبت پیش ہے۔
الحمدللہ! تخلیق کار انٹرنیشنل نے اپنے قیام سے اب تک فروغِ علم و ادب، ترویجِ فن و ثقافت اور دنیا بھر کے تخلیق کاروں کو ایک عالمی ادبی پلیٹ فارم فراہم کرنے کے لیے مسلسل اور مؤثر سفر جاری رکھا ہے۔
18 دسمبر 2024 تا حال تخلیق کار انٹرنیشنل کے زیرِ اہتمام 348 پروگرامز منعقد ہو چکے ہیں، جبکہ 293 سے زائد کتب کی رونمائی و پذیرائی بھی کی جا چکی ہے۔ جن کا باقاعدہ ریکارڈ موجود ہے۔ آپ ہمارے جو ٹیوب چینل پر دیکھ سکتے ہیں کیونکہ ہم فرضی نمبرز کا اعلان نہیں کرتے۔ الحمدللہ عملی طور پر اپنا کام پوری ذمہ داری سے سر انجام دیا جاتا ہے۔
ہماری ادبی و ثقافتی سرگرمیوں کی جھلک
* دیوانِ خاص عالمی مشاعرے: 184
* تقدیسی عالمی پروگرام: 45
* بیاد / احساسِ زیاں پروگرامز: 125
* جشن و بااعزاز پروگرامز: 55
* سیون اسٹار پروگرام برائے خواتین کے عالمی مشاعرے: 81
* ہم سخن ساز پروگرامز: 73
* تھری اسٹار پروگرامز: 90
* انٹرنیشنل ایوارڈ پروگرامز: 12
ان پروگرامز کے علاوہ لاہور اور اسلام آباد میں متعدد زمینی ادبی و ثقافتی پروگرامز بھی منعقد کیے جا چکے ہیں۔
الحمدللہ! ان تمام آن لائن پروگرامز کا ریکارڈ ہمارے یوٹیوب چینلز اردو ادب نیٹ ورک اور TKIPN786 پر بھی موجود ہے۔
انٹرنیشنل رائٹرز ڈائریکٹری
دنیا بھر کے شعراء و ادباء اور تخلیق کاروں کو عالمی سطح پر متعارف کروانے، ان کی ادبی شناخت کو اجاگر کرنے اور مختلف اداروں تک رسائی کے مواقع پیدا کرنے کے لیے انٹرنیشنل رائٹرز ڈائریکٹری کا اہتمام بھی کیا جا رہا ہے۔
اس ڈائریکٹری میں شامل ہونے کے لیے گوگل فارم کے ذریعے مفت رجسٹریشن کی سہولت موجود ہے۔
انتھالوجی پروجیکٹس
تخلیق کار انٹرنیشنل کے زیرِ اہتمام انتھالوجی پروجیکٹس کا آغاز بھی کیا جا چکا ہے۔
“تخلیق ایک اعزاز ہے” کے نام سے پہلا والیم شائع ہو چکا ہے، جبکہ والیم 2 اور فائیو اسٹار سلام سیریز بھی زیرِ اشاعت ہیں۔ جس میں سلام غزل، سلام خوشبو والیم 1&2 ، سلام افسانہ، سلام کالم، کی پانچ کتب تیار ہو چکی ہیں۔ جن کی رونمائی و پذیرائی بالترتیب زوم اور زمین دونوں جگہ ہو گی۔ زوم پر اس بار 3سٹار پروگرام میں جبکہ زمین پر انٹرنیشنل رائٹرز کانفرنس لاہور اور اسلام آباد میں ہو گی۔ ان شاءاللہ
تمام نئی سرگرمیوں، اعلانات اور پروگرامز سے بروقت آگاہی کے لیے تخلیق کار انٹرنیشنل کے واٹس ایپ چینل سے منسلک ہونے کی دعوت دی جاتی ہے۔
عالمی سطح پر چیپٹرز کا قیام
تخلیق کار انٹرنیشنل کے ادبی مشن کو مزید وسعت دیتے ہوئے خواتین کے لیے وومن ونگ کے تحت لاہور اور اسلام آباد میں الگ چیپٹرز کے ساتھ ساتھ:
کے پی، سندھ، بلوچستان، گلگت بلتستان، آزاد کشمیر، یو کے، انڈیا، ملائیشیا، تھائی لینڈ اور گلف ریجن
میں بھی چیپٹرز کے آغاز کا سلسلہ جاری ہے۔اپ بھی اعزازی عہدیدار بن سکتے ہیں ۔
تخلیق کاروں کے لیے پوڈکاسٹ کا آغاز بھی کیا جا رہا ہے، جبکہ مزید کئی خوشخبریاں عنقریب فروغِ علم و ادب کے اس سفر میں نئے امکانات کے ساتھ پیش کی جائیں گی۔
ایک سال — ایک شاندار سنگِ میل
18 دسمبر 2025 کو تخلیق کار آن لائن پروگرامز نے اپنا پہلا سال مکمل کیا۔
اسی طرح یکم جنوری 2020 سے تخلیق کار آن لائن سوشل میڈیا ایڈیشن کے 460 سے زائد والیمز شائع ہو چکے ہیں۔
مزید برآں 150 سے زائد کتب اشاعت کے مراحل میں داخل ہو رہی ہیں، جو تخلیق کاروں کے فن، شخصیت اور ادبی خدمات کے حوالے سے ایک خوبصورت تاریخی دستاویز کا حصہ بننے جا رہی ہیں۔
اس سلسلے کی پہلی کتاب محترمہ سیدہ منور جہاں زیدی کے نام شائع ہو چکی ہے، جبکہ دوسری کتاب روبینہ شاہین کے نام بھی شائع ہو چکی ہے۔
جبکہ اس بار 5 سے زائد فن و شخصیت پر کتب تیار ہیں۔ جن کی رونمائی و پذیرائی زوم اور زمین دونوں جگہ پر ہو گی۔
الحمدللہ، تخلیق کاروں کی اپنی کتب بھی تخلیق کار انٹرنیشنل پبلی کیشنز نیٹ ورک کے زیرِ اہتمام شائع ہو رہی ہیں۔ اس سلسلے میں پہلی کتاب ڈاکٹر محمد رفیق، دوسری محمد ارشد راہی اور تیسری روبینہ شاہین کی شائع ہو چکی ہے۔ جبکہ دیگر میں گل صنوبر غزل کا شعری مجموعہ مجھے الہام ہوتا ہے، انیس فاطمہ کا ناول مہر راز، ڈاکٹر محمد نواز کنول کے کالم و تبصرے پر مشتمل سخن دلنواز، اختر چیمہ کا شعری مجموعہ محبت مر نہیں سکتی روبینہ شاہین کے کالم و تبصرے پر مشتمل جہان تبصرہ مریم خان کی انشائیہ نگاری دنیا گول نہیں بول مٹول ہے جبکہ عالمی افسانوں کا مجموعہ رنگین دھاگے شاعء ہو چکا اور سائرہ حمید تشنہ کی کتاب کہیں دیر نہ ہو جائے
بھی تیار ہو چکی ہے۔
و دیگر۔۔۔۔جاری ہیں !
ان کتب کی رونمائی کے پروگرام بھی اعلان کے مطابق آن لائن اور زمینی دونوں حوالوں سے منعقد ہوں گے۔
انٹرنیشنل رائٹرز کانفرنسز
تخلیق کار انٹرنیشنل رائٹرز کانفرنس و مشاعرہ، بااعزاز و خصوصی آمدِ سرپرستِ اعلیٰ محترمہ سیدہ منور جہاں زیدی (امریکہ)، لاہور میں 5 فروری 2026 کو منعقد ہوا، جس میں 13 کتب کی رونمائی و پذیرائی کی گئی۔
بعد ازاں 9 فروری 2026 کو اسلام آباد میں منعقدہ پروگرام میں 10 کتب کی رونمائی و پذیرائی ہوئی۔
اگلی انٹرنیشنل رائٹرز کانفرنس لاہور اور اسلام آباد میں اکتوبر کے آغاز میں لاہور جبکہ تیسرے ہفتے اسلام آباد میں منعقد کی جائے گی، جس کی تاریخ کا اعلان اسی ہفتے متوقع ہے۔
جشنِ آزادیٔ پاکستان کے حوالے سے لاہور کے قومی ادارے ایوانِ اقبال کمپلیکس لاہور کے اشتراک سے ایک عظیم الشان دیوانِ خاص مشاعرہ بھی منعقد کیا گیا۔
تخلیق کاروں کے اعزاز میں ایوارڈز
ایک سال کی تکمیل پر تخلیق کار انٹرنیشنل نے اپنے عظیم تخلیق کاروں کی خدمات کو خراجِ تحسین پیش کرنے اور ان کے لیے اظہارِ تشکر کے طور پر خصوصی ایوارڈز کا سلسلہ شروع کیا، تاکہ تخلیق کار انٹرنیشنل کی سالگرہ کے موقع پر خوشیوں اور اعترافِ فن کا پیغام عام کیا جا سکے۔
اس سلسلے کا پہلا زمینی پروگرام:
لاہور — 5 فروری 2026، بروز جمعرات
اسلام آباد — 9 فروری 2026، بروز پیر
منعقد ہوا، جس میں:
50 ایوارڈز
20 گولڈ میڈلز
تخلیق کار انٹرنیشنل سرٹیفکیٹس
پیش کیے گئے۔
اشاعت، ISBN اور آئندہ ایوارڈز
الحمدللہ، ڈاکٹر فرزانہ فرح (آزاد کشمیر) کا شعری مجموعہ بھی شائع ہو چکا ہے۔اور عالمی افسانوں کا مجموعہ رنگین دھاگے کے نام سے جس میں دنیا بھر سے 77 عالمی تخلیق کار وں کے افسانچے شامل ہیں۔ اور اس کے مرتبین میں سیماں کمال صوفی، کوکب کاظمی اور علیم احمد شامل ہیں۔
تخلیق کار انٹرنیشنل پبلی کیشنز نیٹ ورک کے زیرِ اہتمام شائع ہونے والی تمام کتب ISBN کے ساتھ +50 انٹرنیشنل سطح کے ریکارڈ میں شامل ہو چکی ہیں، جبکہ انتھالوجی پروجیکٹ پر بھی کام جاری ہے۔
آئندہ تیسری اور چوتھی انٹرنیشنل رائٹرز کانفرنس میں پانچ مختلف کیٹیگریز میں ایوارڈز دیے جائیں گے۔
ان میں تخلیق کار انٹرنیشنل پبلی کیشنز نیٹ ورک کے زیرِ اہتمام کتب شائع کروانے والے تخلیق کار، کتب ارسال کرنے والے تخلیق کار، اپنے شعبے میں منفرد شناخت قائم کرنے والے تخلیق کار اور ادب پروری و ادب شناسی کے لیے بہترین اور بھرپور خدمات انجام دینے والے تخلیق کار شامل ہوں گے۔
ان شاء اللہ، مستحق شخصیات کو لائف ٹائم اچیومنٹ ایوارڈ سے بھی نوازا جائے گا۔
کانفرنس کے تمام شرکاء کو بطورِ خاص سرٹیفکیٹ آف پارٹیسپیشن بھی پیش کیا جائے گا۔
آپ کی آمد بہار جیسی ہے
تخلیق کار انٹرنیشنل کے پلیٹ فارم پر آنے والے تمام معزز تخلیق کاروں کو دل کی گہرائیوں سے خوش آمدید!
آپ کی آمد بہار جیسی ہے۔
ہم آپ کے فن، آپ کی شناخت اور آپ کی کامیابیوں کے لیے کوشاں ہیں۔
ارحم روحان
بانی و مدیرِ اعلیٰ
تخلیق کار انٹرنیشنل
arhamrouhaan@gmail.com
فروغِ علم و ادب اور ترویجِ فن و ثقافت کا عالمی ادارہ
مفت رکنیت کے لیے دعوت
تخلیق کار انٹرنیشنل میں شامل ہونے کے لیے گوگل فارم پُر کرکے مفت رکنیت حاصل کی جا سکتی ہے۔
رکنیت کے بعد آپ کو خوش آمدیدی سرٹیفکیٹ جاری کیا جائے گا، جبکہ اپنی تصویر ارسال کرنے کی صورت میں آپ کو آئندہ پروگرامز اور زوم آن لائن سرگرمیوں میں شامل کیا جا سکے گا۔
آپ کی توجہ، محبت اور اعتماد کا تہہ دل سے شکریہ۔
تخلیق ایک اعزاز ہے — اور تخلیق کار ہمارا سرمایہ ہیں۔
سفر جاری ہے…
Takhleeq Kar International
