شگر حیدرآباد شگر کی آبپاشی کوئل تاحال بحال نہ ہوسکی، فصلوں کو نقصان کا خدشہ. معروف سماجی و سیاسی رہنما اور حیدرآباد شگر کی سرکردہ شخصیت حاجی فضل علی
رپورٹ، 5 سی این نیوز
شگر حیدرآباد شگر کی آبپاشی کوئل تاحال بحال نہ ہوسکی، فصلوں کو نقصان کا خدشہ. معروف سماجی و سیاسی رہنما اور حیدرآباد شگر کی سرکردہ شخصیت حاجی فضل علی
شگر حیدرآباد شگر کی آبپاشی کوئل تاحال بحال نہ ہوسکی، فصلوں کو نقصان کا خدشہ, معروف سماجی و سیاسی رہنما اور حیدرآباد شگر کی سرکردہ شخصیت حاجی فضل علی نے کہا ہے کہ حیدرآباد کو آبپاشی کے لیے پانی فراہم کرنے والی کوئل، جو دریائے برالدو سے نکالی گئی ہے، رواں سال سیلاب کے باعث متاثر ہونے کے بعد تاحال مکمل طور پر بحال نہیں ہوسکی، جس کے نتیجے میں علاقے میں زرعی سرگرمیاں متاثر ہونے کا خدشہ پیدا ہوگیا ہے۔ اپنے ایک بیان میں حاجی فضل علی نے کہا کہ سیلابی ریلوں کے باعث آبپاشی کے نظام کو نقصان پہنچا تھا، تاہم بروقت اور مکمل بحالی نہ ہونے کی وجہ سے اب دریائے برالدو میں پانی کا بہاؤ کم ہونے کے ساتھ کوئل میں پانی کی ترسیل بھی متاثر ہوگئی ہے۔ انہوں نے کہا کہ پانی کی عدم دستیابی کے باعث حیدرآباد میں کاشت کی گئی فصلوں کو آبپاشی کے مسائل کا سامنا ہے اور بعض مقامات پر فصلیں سوکھنے لگی ہیں۔ انہوں نے کہا کہ حیدرآباد کے بیشتر کاشتکار اپنی فصلوں کے لیے اسی آبپاشی نظام پر انحصار کرتے ہیں، اس لیے کوئل کی بروقت بحالی نہ ہونے سے مقامی زراعت اور لوگوں کی سال بھر کی محنت متاثر ہوسکتی ہے۔ حاجی فضل علی نے ڈپٹی کمشنر شگر، کمشنر بلتستان ڈویژن اور وزیر اعلیٰ گلگت بلتستان سے مطالبہ کیا کہ صورتحال کا فوری نوٹس لیتے ہوئے متعلقہ محکموں کو حیدرآباد کی آبپاشی کوئل کا معائنہ اور ہنگامی بنیادوں پر بحالی کے احکامات جاری کیے جائیں، تاکہ پانی کی فراہمی بحال کرکے فصلوں کو مزید نقصان سے بچایا جاسکے۔
زرعی ترقی یا صحت کی قیمت؟ بتول فاطمہ
تخلیق کار انٹرنیشنل. 348 پروگرامز کی تاریخی کارکردگی — 1 سال 9 ماہ کے منفرد ادبی سفر کی شاندار روداد
بڑھتا ہوا جنسی استحصال اور ہماری ذمہ داریاں. آمینہ یونس، بلتستانی
Shigar Hyderabad
