آر ایچ کیو ہسپتال کی چائلڈ سپیشلسٹ ڈاکٹر عشرت فاطمہ کسی مسیحا سے کم نہیں ، عوامی حلقے
رپورٹ، 5 سی این نیوز
آر ایچ کیو ہسپتال کی چائلڈ سپیشلسٹ ڈاکٹر عشرت فاطمہ کسی مسیحا سے کم نہیں ، عوامی حلقے.
بچوں کے معالج (Child Specialist) نہ صرف بیماری کا علاج کرتے ہیں بلکہ پریشان حال والدین کے لیے ڈھارس اور سکون کا باعث بھی بنتے ہیں ، والدین
ڈاکٹر عشرت کی طبی خدمات، فرض شناسی اور بچوں کے لیے ان کا خلوص یقیناً قابلِ ستائش ہے،
ریجنل ہیڈ کوارٹر (RHQ) ہسپتال سکردو میں تعینات ممتاز چائلڈ سپیشلسٹ ڈاکٹر عشرت فاطمہ غریب اور لاچار مریضوں کے لیے کسی مسیحا سے کم نہیں۔ دور دراز اور سخت موسم میں ہسپتال کا رخ کرنے والے پریشان حال والدین کے لیے ان کی موجودگی ڈھارس اور سکون کا باعث بنتی ہے۔
ڈاکٹر عشرت فاطمہ نہ صرف بچوں کی بیماری کا بہترین علاج کرتی ہیں، بلکہ ان کی طبی خدمات، بے مثال فرض شناسی اور بچوں کے ساتھ والہانہ خلوص یقیناً قابلِ ستائش ہے۔ یہی وجہ ہے کہ بلتستان کے غیور عوام انہیں انتہائی احترام اور محبت کے جذبات کے ساتھ یاد کرتے ہیں۔ڈاکٹر عشرت فاطمہ کا اپنے ننھے مریضوں سے رویہ انتہائی مشفقانہ ہوتا ہے۔ وہ بیمار بچوں سے اپنے بچوں کی طرح نرمی اور پیار سے پیش آتی ہیں کہ بچے ہسپتال کے خوفناک ماحول اور بیماری کا احساس تک بھول جاتے ہیں۔ ہسپتال آنے والے والدین کے مطابق، ڈاکٹر صاحبہ نہ صرف بچوں کا تسلی بخش علاج کرتی ہیں بلکہ پریشان حال ماؤں اور باپوں کی ہمدردانہ کونسلنگ کر کے ان کے دلوں کو ڈھارس بھی بندھاتی ہیں۔ ان کا یہی عاجزانہ رویہ اور پیشہ ورانہ مہارت انہیں دیگر معالجین سے ممتاز کرتی ہے۔
عوامی حلقوں نے ڈاکٹر عشرت فاطمہ کی ان گراں قدر خدمات کو سراہتے ہوئے امید ظاہر کی ہے کہ محکمہ صحت اور ہسپتال انتظامیہ ایسے فرض شناس ڈاکٹروں کی حوصلہ افزائی کے لیے ہر ممکن اقدامات کرے گی، تاکہ بلتستان کے معصوم بچوں کو صحت کی بہترین سہولیات میسر رہ سکیں۔
شاٹی اور ٹوپی آزاد قوم کا تاج ہیں، غلاموں کی وردی نہیں! افسانہ ناصر
urdu news update RHQ Hospital’s Child Specialist
