شگرسولر پینلز کی تقسیم میں مبینہ بے ضابطگیاں، شہریوں کا احتجاج اور رقم واپسی یا پینلز کی فراہمی کا مطالبہ
رپورٹ، 5 سی این نیوز
شگرسولر پینلز کی تقسیم میں مبینہ بے ضابطگیاں، شہریوں کا احتجاج اور رقم واپسی یا پینلز کی فراہمی کا مطالبہ، سولر پینلز حاصل کرنے والے متعدد شہریوں نے الزام عائد کیا ہے کہ تمام قانونی تقاضے پورے کرنے اور فیس جمع کروانے کے باوجود انہیں اب تک سولر پینلز فراہم نہیں کیے گئے۔ متاثرہ شہریوں کے مطابق تقریباً 15 سے 20 افراد نے فارم جمع کروائے، مطلوبہ فیس ادا کی اور متعلقہ دفاتر سے تمام ضروری تصدیقی کارروائی مکمل کرنے کے بعد تقسیمی مرکز کا رخ کیا۔ ان کا کہنا ہے کہ ان کی پرچی پر LIVON 545 واٹ سولر پینلز کا نام درج تھا، تاہم مرکز پر موجود عملے نے بتایا کہ مذکورہ پینلز کا اسٹاک ختم ہو چکا ہے۔ شہریوں کا کہنا ہے کہ عملے نے انہیں یقین دہانی کرائی تھی کہ تین سے چار دن کے اندر پینلز فراہم کر دیے جائیں گے یا اسی معیار کی کسی دوسری کمپنی کے پینلز دیے جائیں گے، مگر پانچ دن گزرنے کے باوجود نہ پینلز ملے، نہ کوئی اطلاع دی گئی اور نہ ہی متعلقہ انتظامیہ ان سے رابطہ کر رہی ہے۔ متاثرین نے مطالبہ کیا ہے کہ یا تو ان کے نام پر مختص سولر پینلز فوری فراہم کیے جائیں، یا اسی معیار کے متبادل پینلز دیے جائیں، بصورت دیگر ان کی جمع کروائی گئی رقم واپس کی جائے۔ شہریوں نے خبردار کیا ہے کہ اگر ان کے جائز مطالبات پورے نہ کیے گئے تو وہ اپنے حقوق کے حصول کے لیے پرامن طریقے سے احتجاج کریں گے۔

شارجہ سے کراچی آنے والے نجی کارگو طیارے سے دورانِ پرواز سمندر میں گر کر تباہ ، پاکستان ائیر پورٹ اتھارٹی کا تصدیق

رونالڈو: ایک کھلاڑی نہیں، ایک پورا عہد رخصت ہوا. سلیم خان ہیوسٹن (ٹیکساس) امریکا

urdu news update Public Protests Over Alleged Solar Panel Distribution