شگر گلگت بلتستان میں ایڈونچر ٹورازم اور ماؤنٹینیرنگ کے فروغ کے لیے مجوزہ مونٹینیرنگ انسٹیٹیوٹ شگر کے قیام کی جانب اہم پیش رفت
شگر گلگت بلتستان میں ایڈونچر ٹورازم اور ماؤنٹینیرنگ کے فروغ کے لیے مجوزہ مونٹینیرنگ انسٹیٹیوٹ شگر کے قیام کی جانب اہم پیش رفت ہوئی ہے۔ الیکشن کمیشن سیکرٹریٹ گلگت بلتستان نے منصوبے کے ٹینڈر کے اجرا کے لیے نو آبجیکشن سرٹیفکیٹ (NOC) جاری کر دیا ہے، جس کے بعد منصوبہ عملی طور پر اگلے مرحلے میں داخل ہو گیا ہے۔سرکاری دستاویز کے مطابق محکمہ سیاحت، کھیل، ثقافت، آثارِ قدیمہ و عجائب گھر گلگت بلتستان نے 27 جولائی 2026 کو منصوبے کے ٹینڈر کے اجرا کے لیے این او سی کی درخواست دی تھی۔ درخواست کا جائزہ لینے کے بعد چیف الیکشن کمشنر گلگت بلتستان نے 30 جولائی 2026 کو منصوبے کے لیے این او سی جاری کرنے کی منظوری دے دی۔سرکاری مراسلے میں کہا گیا ہے کہ این او سی جاری ہونے کے بعد متعلقہ محکمہ منصوبے کے ٹینڈر کے اجرا کا عمل شروع کر سکتا ہے، جس سے مونٹینیرنگ انسٹیٹیوٹ شگر کے قیام کی راہ مزید ہموار ہو گئی ہے۔منصوبہ مکمل ہونے کے بعد یہ ادارہ گلگت بلتستان کے نوجوانوں کو ماؤنٹینیرنگ، ایڈونچر ٹورازم، راک کلائمبنگ، ریسکیو اور ہاسپیٹلٹی کے شعبوں میں جدید اور عالمی معیار کی تربیت فراہم کرے گا۔ منصوبے میں جدید تربیتی سہولیات، رہائشی ہاسٹل، راک کلائمبنگ وال اور دیگر بنیادی انفراسٹرکچر بھی شامل ہوگا۔سیاحتی و تعلیمی حلقوں نے این او سی کے اجرا کو خوش آئند قرار دیتے ہوئے امید ظاہر کی ہے کہ منصوبے پر جلد عملی کام شروع ہوگا، جس سے نہ صرف گلگت بلتستان میں ایڈونچر ٹورازم کو فروغ ملے گا بلکہ مقامی نوجوانوں کے لیے ہنرمندی، روزگار اور بین الاقوامی سطح پر پیشہ ورانہ مواقع بھی پیدا ہوں گے۔
گلگت بلتستان میں ماحولیاتی تبدیلی اسباب اثرات اور ممکنہ تدارک . اعجاز شگری
شگر کے ٹو بیس کیمپ سے سکردو تک چار روز میں دوڑ، ایشین چیمپئن جمال سیڈ نے نیا ریکارڈ قائم کر دیا
urdu news update Mountaineering Institute to Promote Adventure Tourism
