الپائن کلب آف پاکستان کی دوسری ویمنز خسر گنگ مہم کامیابی سے مکمل ہوگئی، جس کے دوران ملک کے مختلف حصوں سے تعلق رکھنے والی آٹھ خواتین کوہ پیماؤں نے 17 جولائی کی صبح 6,040 میٹر بلند خسر گنگ چوٹی سر لی
رپورٹ، عابد شگری 5 سی این نیوز
الپائن کلب آف پاکستان کی دوسری ویمنز خسر گنگ مہم کامیابی سے مکمل ہوگئی، جس کے دوران ملک کے مختلف حصوں سے تعلق رکھنے والی آٹھ خواتین کوہ پیماؤں نے 17 جولائی کی صبح 6,040 میٹر بلند خسر گنگ چوٹی سر لی
شگر خسر گنگ چوٹی سر، آٹھ پاکستانی خواتین کوہ پیماؤں نے تاریخ رقم کر دی، الپائن کلب آف پاکستان کی دوسری ویمنز خسر گنگ مہم کامیابی سے مکمل ہوگئی، جس کے دوران ملک کے مختلف حصوں سے تعلق رکھنے والی آٹھ خواتین کوہ پیماؤں نے 17 جولائی کی صبح 6,040 میٹر بلند خسر گنگ چوٹی سر کر کے پاکستان میں خواتین کی کوہ پیمائی کی تاریخ میں ایک نیا سنگِ میل قائم کر دیا۔ کامیاب ٹیم میں گلگت بلتستان، پنجاب، خیبر پختونخوا، بلوچستان اور اسلام آباد سے تعلق رکھنے والی خواتین شامل تھیں۔ مہم کی قیادت بی بی افزون نے کی، جبکہ معروف ہائی آلٹیٹیوڈ گائیڈز علی محمد سادپارہ، صادق حسین سادپارہ اور الیاس ہُشے نے تکنیکی معاونت فراہم کی۔ خسر گنگ پر روپ فکسنگ کے فرائض قائد شگری نے انجام دیے، جن کی مہارت نے ٹیم کی محفوظ پیش قدمی میں اہم کردار ادا کیا۔ الپائن کلب آف پاکستان کے سیکریٹری جنرل ایاز شگری نے کامیاب خواتین کوہ پیماؤں کو مبارکباد دیتے ہوئے کہا کہ انہوں نے ہمت، عزم، ٹیم ورک اور پیشہ ورانہ مہارت کا شاندار مظاہرہ کیا ہے۔ ان کا کہنا تھا کہ خسر گنگ کی کامیاب سمٹ پاکستان میں خواتین کی کوہ پیمائی کے فروغ کے لیے ایک اہم سنگِ میل ہے، اور الپائن کلب مستقبل میں بھی خواتین کو قومی اور بین الاقوامی سطح پر اپنی صلاحیتیں منوانے کے مزید مواقع فراہم کرتا رہے گا۔ الپائن کلب آف پاکستان نے اس تاریخی کامیابی پر تمام خواتین کوہ پیماؤں، گائیڈز، تکنیکی عملے اور معاون اسٹاف کو مبارکباد پیش کرتے ہوئے اس کامیابی کو ملک میں ایڈونچر اسپورٹس اور خواتین کی نمائندگی کے فروغ کے لیے ایک اہم پیش رفت قرار دیا۔
فیفا ورلڈ کپ 2026(فتح، تنازع اور عالمی تاثر) سیدہ تسکین بخت
عنوان: یہ کہانی ہم سب کی ہے . ماہ نور کنول
urdu news update Female Mountaineers Summit the 6,040-Meter Peak
