شگر ، اسپیکر گلگت بلتستان اسمبلی عمران ندیم کی زیر صدارت ترقیاتی منصوبوں پر اہم اجلاس
رپورٹ، 5 سی این نیوز
ا سپیکر گلگت بلتستان اسمبلی عمران ندیم کی زیر صدارت ترقیاتی منصوبوں پر اہم اجلاس
شگراسپیکر گلگت بلتستان اسمبلی عمران ندیم کی زیر صدارت ترقیاتی منصوبوں پر اہم اجلاس، سڑکوں کی تعمیر میں تیزی لانے کی ہدایت، سپیکر گلگت بلتستان اسمبلی عمران ندیم نے ایگزیکٹو انجینئر مواصلات و تعمیرات (سی اینڈ ڈبلیو) شگر کے دفتر کا دورہ کیا، جہاں ضلع میں جاری ترقیاتی منصوبوں کا جائزہ لینے کے لیے ایک اہم اجلاس منعقد ہوا۔ اجلاس میں سیکریٹری ورکس اینڈ پاور سجاد حیدر، چیف انجینئر بلتستان اقبال حسین، ایگزیکٹو انجینئر مواصلات و تعمیرات شگر غلام مرتضیٰ، متعلقہ سب ڈویژنل افسران (SDOs)، اوورسیئرز اور دیگر متعلقہ حکام نے شرکت کی۔اجلاس میں لمسہ تا چومک روڈ، 30 بیڈ ہسپتال شگر، برالدو روڈ اور باشہ روڈ سمیت جاری ترقیاتی منصوبوں پر تفصیلی بریفنگ دی گئی۔ سپیکر عمران ندیم نے منصوبوں کی پیش رفت کا جائزہ لیتے ہوئے متعلقہ حکام کو ہدایت کی کہ عوامی مفاد کے ان اہم منصوبوں پر کام کی رفتار مزید تیز کی جائے تاکہ انہیں مقررہ مدت میں مکمل کیا جا سکے۔ انہوں نے اوورسیئرز کو ہدایت کی کہ وہ ہفتے میں کم از کم تین دن فیلڈ میں موجود رہ کر منصوبوں کی نگرانی کریں تاکہ تعمیراتی کام کے معیار اور رفتار کو بہتر بنایا جا سکے۔ سپیکر عمران ندیم نے مزید ہدایت کی کہ کسی بھی قدرتی آفت، لینڈ سلائیڈنگ یا دیگر رکاوٹ کے باعث شاہراہ بند ہونے کی صورت میں ہنگامی بنیادوں پر فوری کارروائی کی جائے تاکہ عوام کو سفری مشکلات کا سامنا نہ کرنا پڑے۔ اجلاس میں منصوبوں کی مؤثر نگرانی کے لیے مزید دو اوورسیئرز کی تعیناتی کی بھی ہدایت کی گئی، تاکہ ترقیاتی کاموں کی بروقت تکمیل اور معیار کو یقینی بنایا جا سکے۔اس موقع پر سپیکر گلگت بلتستان اسمبلی عمران ندیم نے کہا کہ شگر میں جاری تمام ترقیاتی منصوبوں کی بروقت تکمیل حکومت کی اولین ترجیح ہے اور اس سلسلے میں کسی قسم کی غفلت یا تاخیر برداشت نہیں کی جائے گی۔
بھارت میں نوجوانوں کی احتجاجی تحریک. سیدہ تسکین بخت
urdu news update Development Projects
