شگر بازاروں میں صفائی، ریٹ لسٹ اور فوڈ سیفٹی کی خلاف ورزیوں پر کارروائی
رپورٹ، 5 سی این نیوزشگر بازاروں میں صفائی، ریٹ لسٹ اور فوڈ سیفٹی کی خلاف ورزیوں پر کارروائی
شگر بازاروں میں صفائی، ریٹ لسٹ اور فوڈ سیفٹی کی خلاف ورزیوں پر کارروائی, ڈپٹی کمشنر شگر شیر افضل کی ہدایات پر ضلعی انتظامیہ نے بازاروں میں صفائی، سرکاری ریٹ لسٹوں اور حفظانِ صحت کے اصولوں پر عملدرآمد یقینی بنانے کے لیے خصوصی چیکنگ مہم چلائی۔ اسسٹنٹ کمشنر و ایڈمنسٹریٹر میونسپل کمیٹی شگر کی نگرانی میں میونسپل مجسٹریٹ، چیف آفیسر میونسپل کمیٹی اور چیف آفیسر ڈسٹرکٹ کونسل نے گلاب پور چوک، حسینی چوک اور مین بازار شگر میں جنرل سٹورز، بیکریوں اور ہوٹلوں کا معائنہ کیا۔معائنے کے دوران صفائی کی صورتحال، سرکاری ریٹ لسٹوں کی دستیابی، فوڈ ہینڈلرز کے میڈیکل سرٹیفکیٹس، اشیائے خوردونوش کی معیاد اور دیگر حفظانِ صحت کے تقاضوں کا جائزہ لیا گیا۔ ناقص صفائی، زائد المعیاد اشیاء کی فروخت اور دیگر خلاف ورزیوں پر متعدد دکانداروں کو جرمانے کیے گئے جبکہ آئندہ قواعد و ضوابط کی مکمل پابندی کی سخت ہدایت بھی جاری کی گئی۔ ڈپٹی کمشنر شیر افضل نے کہا کہ عوام کو معیاری، محفوظ اور صحت بخش اشیائے خوردونوش کی فراہمی ضلعی انتظامیہ کی اولین ترجیح ہے۔ انہوں نے متعلقہ حکام کو بازاروں میں باقاعدہ معائنے جاری رکھنے کی ہدایت کرتے ہوئے کہا کہ خلاف ورزی کی صورت میں قانون کے مطابق سخت کارروائی عمل میں لائی جائے گی۔
شگرضلعی انتظامیہ کا حساس علاقوں کا دورہ، ممکنہ سیلابی خطرات کے پیش نظر الرٹ جاری
urdu news update Cracks Down on Hygiene
