شگر اسسٹنٹ کمشنر کا آر ایچ سی ہسپتال کا دورہ، طبی سہولیات کا تفصیلی جائزہ
رپورٹ، 5 سی این نیوز
شگر اسسٹنٹ کمشنر کا آر ایچ سی ہسپتال کا دورہ، طبی سہولیات کا تفصیلی جائزہ
شگر اسسٹنٹ کمشنر کا آر ایچ سی ہسپتال کا دورہ، طبی سہولیات کا تفصیلی جائزہ، ڈپٹی کمشنر شگر شیر افضل کی ہدایات پر اسسٹنٹ کمشنر شگر نے آر ایچ سی ہسپتال شگر کا دورہ کرکے طبی سہولیات، صفائی، ادویات کی دستیابی، ڈاکٹرز اور پیرا میڈیکل اسٹاف کی حاضری سمیت مختلف شعبوں کی کارکردگی کا جائزہ لیا۔ دورے کے دوران ایمرجنسی، او پی ڈی، فارمیسی، لیبارٹری، وارڈز اور دیگر شعبوں کا معائنہ کیا گیا جبکہ زیر علاج مریضوں اور ان کے لواحقین سے ملاقات کر کے علاج معالجے اور دستیاب سہولیات کے بارے میں بھی معلومات حاصل کی گئیں۔ میڈیکل سپرنٹنڈنٹ نے ہسپتال کی مجموعی کارکردگی، دستیاب سہولیات، مریضوں کی آمد اور درپیش مسائل پر بریفنگ دی۔ اسسٹنٹ کمشنر نے ہدایت کی کہ عوام کو معیاری، بروقت اور بلا تعطل طبی سہولیات کی فراہمی ہر صورت یقینی بنائی جائے، ضروری ادویات کی دستیابی برقرار رکھی جائے اور ہسپتال میں صفائی کے اعلیٰ معیار کو برقرار رکھا جائے۔ انہوں نے کہا کہ صحت کی معیاری سہولیات کی فراہمی ضلعی انتظامیہ کی اولین ترجیح ہے اور اس سلسلے میں کسی قسم کی غفلت یا کوتاہی برداشت نہیں کی جائے گی۔ اسسٹنٹ کمشنر نے ہسپتال انتظامیہ کی کاوشوں کو سراہتے ہوئے خدمات کے معیار میں مزید بہتری کے لیے مؤثر اقدامات کی ہدایت بھی جاری کی۔
urdu news Healthcare Services
