ا سکردو شاہراہ، منشیات اور سیاحوں کی بے راہ روی کے خلاف اقدامات کیا جائے، شگرصدر علمائے امامیہ
رپورٹ، 5 سی این نیوز
ا سکردو شاہراہ، منشیات اور سیاحوں کی بے راہ روی کے خلاف اقدامات کیا جائے، شگرصدر علمائے امامیہ
شگرصدر علمائے امامیہ کا عوامی حقوق، شگر۔ا سکردو شاہراہ، منشیات اور سیاحوں کی بے راہ روی کے خلاف اقدامات کا مطالبہ کردیا۔ صدر علمائے امامیہ شگر سید طٰہ شمس الدین الموسوی نے گلگت بلتستان اسمبلی سے عوام کے آئینی و بنیادی حقوق کے تحفظ کے لیے مؤثر قانون سازی، شگر تا سکردو نئی شاہراہ کی فوری تعمیر، منشیات کے بڑھتے استعمال کے خاتمے اور سیاحوں کی جانب سے بے حیائی و غیر اخلاقی سرگرمیوں کی روک تھام کے لیے عملی اقدامات کا مطالبہ کیا۔ جامع مسجد چھورکاہ میں نمازِ جمعہ کے اجتماع سے خطاب کرتے ہوئے انہوں نے کہا کہ گلگت بلتستان کے عوام گزشتہ کئی دہائیوں سے اپنے آئینی حقوق کے حصول کے لیے آواز بلند کر رہے ہیں، لیکن آج تک انہیں ان کے جائز حقوق نہیں مل سکے۔ انہوں نے اسمبلی اراکین پر زور دیا کہ وہ اس حوالے سے مؤثر قانون سازی کریں۔ انہوں نے شگر تا سکردو (چھومک۔سکردو) نئی شاہراہ کی تعمیر میں تاخیر پر شدید تشویش کا اظہار کرتے ہوئے کہا کہ اگر گلگت۔سکردو شاہراہ تعمیر ہو سکتی ہے تو اس اہم سڑک کی تکمیل میں مزید تاخیر کسی صورت قابل قبول نہیں۔ انہوں نے متعلقہ محکمے اور ٹھیکیدار سے منصوبہ جلد مکمل کرنے کا مطالبہ کیا۔ سید طٰہ شمس الدین الموسوی نے کہا کہ منشیات کا بڑھتا استعمال نئی نسل اور پورے معاشرے کے لیے سنگین خطرہ بن چکا ہے۔ انہوں نے ضلعی انتظامیہ سے مطالبہ کیا کہ منشیات فروشوں اور ان کے نیٹ ورک کے خلاف بلاامتیاز اور مؤثر کارروائیاں جاری رکھی جائیں۔ انہوں نے کہا کہ بلتستان میں سیاحت کا فروغ خوش آئند ہے، تاہم سیاحوں کو مقامی تہذیب، ثقافت، مذہبی اقدار اور روایات کا احترام کرنا چاہیے۔ انہوں نے انتظامیہ سے مطالبہ کیا کہ سیاحوں کی جانب سے بے حیائی اور غیر اخلاقی سرگرمیوں کی روک تھام کے لیے مؤثر اقدامات کیے جائیں تاکہ خطے کی ثقافتی و مذہبی شناخت محفوظ رہ سکے۔

Thank you for reading this post, don't forget to subscribe!

چین، پاکستان کا امریکا اور ایران کے درمیان فوری جنگ بندی، مذاکرات کی بحالی پر زور

بنوں اور اطراف میں فورسز کی کارروائیاں، بھارتی پراکسی فتنہ الخوارج کے 24 دہشت گرد ہلاک

گلگت بلتستان کے تعلیمی ادارے اب محض مقامی ضرورت نہیں بلکہ قومی ترقی کا محور بن چکے ہیں

وزیر اعلیٰ گلگت بلتستان کا کھرمنگ کے علاقے اولڈنگ اور باجویت میں تصادم کا سخت نوٹس، غیر جانبدارانہ کارروائی کا حکم

urdu news update Action Needed Against Drugs and Tourist Misconduct