شگرضلعی انتظامیہ کا حساس علاقوں کا دورہ، ممکنہ سیلابی خطرات کے پیش نظر الرٹ جاری
رپورٹ، 5 سی این نیوز
شگرضلعی انتظامیہ کا حساس علاقوں کا دورہ، ممکنہ سیلابی خطرات کے پیش نظر الرٹ, ڈپٹی کمشنر شگر شیر افضل کی ہدایات پر اسسٹنٹ کمشنر و سب ڈویژنل مجسٹریٹ شگر فیصل حیات گوندل نے تحصیل گلاب پور کے مختلف علاقوں نیالی، بندو، کیو، تیچو، ڈھلی اور دیگر حساس مقامات کا تفصیلی دورہ کیا۔ دورے کے دوران حالیہ موسمی صورتحال کے پیش نظر ممکنہ سیلابی خطرات کا جائزہ لیا گیا اور ندی نالوں کی صورتحال کا معائنہ کیا گیا۔ اسسٹنٹ کمشنر نے متعلقہ عملے کو ہدایت کی کہ پانی کی روانی میں کسی قسم کی رکاوٹ نہ آنے دی جائے۔ ضلعی انتظامیہ کے مطابق ٹریکٹر اور دیگر مشینری کے ذریعے نالوں کی صفائی اور رکاوٹیں دور کرنے کا کام مسلسل جاری ہے، جس کے باعث تمام نالہ جات کلیئر ہیں اور پانی کی روانی معمول کے مطابق برقرار ہے۔ ڈپٹی کمشنر شیر افضل نے تمام متعلقہ محکموں کو الرٹ رہنے، مشینری ہر وقت تیار رکھنے اور کسی بھی ہنگامی صورتحال سے نمٹنے کے لیے مؤثر انتظامات یقینی بنانے کی ہدایت کی ہے۔ ضلعی انتظامیہ نے عوام سے اپیل کی ہے کہ بارشوں کے دوران احتیاطی تدابیر اختیار کریں، غیر ضروری طور پر ندی نالوں کے قریب جانے سے گریز کریں اور کسی بھی ہنگامی صورتحال کی صورت میں فوری طور پر ضلعی انتظامیہ سے رابطہ کریں۔
شگر اسسٹنٹ کمشنر کا آر ایچ سی ہسپتال کا دورہ، طبی سہولیات کا تفصیلی جائزہ،
urdu news Alert Over Possible Flood Risks
