ہانگ کانگ سپر سکسز: پاکستان سیمی فائنل میں پہنچ گیا، جنوبی افریقا کو 17 رنز سے شکست
ہانگ کانگ سپر سکسز: پاکستان سیمی فائنل میں پہنچ گیا، جنوبی افریقا کو 17 رنز سے شکست
ہانگ کانگ سپر سکسز ٹورنامنٹ میں شاندار کارکردگی کا مظاہرہ کرتے ہوئے پاکستان نے سیمی فائنل میں جگہ بنا لی۔ کوارٹر فائنل میں پاکستان نے جنوبی افریقا کو 17 رنز سے شکست دے دی۔پاکستان نے پہلے کھیلتے ہوئے 6 اوورز میں 3 وکٹوں کے نقصان پر 105 رنز بنائے، جس میں محمد اخلاق کے 53 رنز (16 گیندوں پر) اور حسین طلعت کے 27 رنز (11 گیندوں پر) نمایاں تھے۔ جنوبی افریقا کو جیت کے لیے 106 رنز کا ہدف ملا، تاہم جنوبی افریقا کی ٹیم 4 وکٹوں پر صرف 88 رنز ہی بنا سکی۔ پاکستان کی جانب سے حسین طلعت نے شاندار بولنگ کا مظاہرہ کرتے ہوئے 2 وکٹیں حاصل کیں۔پاکستان نے اس سے قبل روایتی حریف بھارت، متحدہ عرب امارات اور جنوبی افریقا کو شکست دے کر اپنی پوزیشن مضبوط کی۔ ٹورنامنٹ کے سیمی فائنل اور فائنل میچز کل اتوار کو کھیلے جائیں گے۔urdu-news-494
