شگر ، کڑوس تھنگ پر تجاوزات کے خلاف عدالتی حکم، متعلقہ افسران کو نوٹس جاری، انتظامیہ عمل درامد میں ناکام
رپورٹ، 5 سی این نیوز
شگر ، کڑوس تھنگ پر تجاوزات کے خلاف عدالتی حکم، متعلقہ افسران کو نوٹس جاری، انتظامیہ عمل درامد میں ناکام
شگر: کڑوس تھنگ میں مبینہ تجاوزات اور غیر قانونی سنگ بنیاد کے معاملے پر عدالت نے متعلقہ انتظامی و پولیس حکام کو نوٹس جاری کرتے ہوئے عدالتی احکامات پر سختی سے عملدرآمد یقینی بنانے کی ہدایت کی ہے۔ ذرائع کے مطابق عدالت کی جانب سے کمشنر بلتستان، ڈی آئی جی بلتستان، ڈپٹی کمشنر شگر، ایس ایس پی شگر اور ایس پی سکردو کو نوٹسز جاری کیے گئے ہیں۔ حکام کو ہدایت کی گئی ہے کہ کڑوس تھنگ میں ہر قسم کی مبینہ تجاوزات کو روکا جائے اور عدالت کے جاری کردہ احکامات پر مکمل طور پر عملدرآمد یقینی بنایا جائے۔ اس پیش رفت کے بعد متعلقہ انتظامی اور پولیس افسران کے لیے عدالتی حکم پر عملدرآمد ایک اہم ذمہ داری بن گیا ہے۔ مقامی حلقوں کی جانب سے بھی توقع ظاہر کی جا رہی ہے کہ ضلعی انتظامیہ اور پولیس قانون کے مطابق کارروائی کرتے ہوئے کڑوس تھنگ میں مبینہ تجاوزات کے معاملے کو شفاف انداز میں حل کریں گے۔ متعلقہ فریق کا مؤقف ہے کہ عدالتی احکامات کے باوجود اگر مبینہ تجاوزات کا سلسلہ جاری رہا تو اس معاملے کو قانونی طور پر مزید آگے بڑھایا جائے گا۔ ان کا کہنا ہے کہ وہ اپنے قانونی حق کے حصول تک عدالت سے رجوع کرنے اور قانونی جنگ جاری رکھنے کے لیے پرعزم ہیں۔ انہوں نے مزید کہا کہ اگر عدالتی حکم پر مقررہ طریقہ کار کے مطابق عملدرآمد نہ کیا گیا تو قانون اپنا راستہ اختیار کرے گا۔ ان کے مطابق کسی بھی فرد یا بااثر شخصیت کے دباؤ کے بجائے قانون اور عدالت کے احکامات کو مقدم رکھا جانا چاہیے۔ دوسری جانب، اس معاملے میں ضلعی انتظامیہ اور پولیس حکام کی جانب سے تاحال کوئی تفصیلی مؤقف سامنے نہیں آیا۔ کڑوس تھنگ میں مبینہ تجاوزات اور غیر قانونی سنگ بنیاد کے معاملے پر آئندہ دنوں میں انتظامیہ کی جانب سے کیے جانے والے اقدامات اہم قرار دیے جا رہے ہیں۔ واضح رہے کہ عدالتی احکامات پر عملدرآمد متعلقہ اداروں کی قانونی ذمہ داری ہے، تاہم معاملے کی حتمی صورتحال اور فریقین کے دعووں کی تصدیق متعلقہ سرکاری ریکارڈ اور عدالتی کارروائی سے ہی ممکن ہوگی۔

ضلع سکردو کے حلقہ نمبر 2 کے آخری اور اہم سیاحتی علاقے بشو کی دس ہزار سے زائد آبادی طویل عرصے سے بنیادی سہولیات سے محروم ہے ، معروف عالم دین شیخ عرفان حیدر بشوی

9 ربیع الاول عیدِ زہرا سلام اللہ علیہا اور آغازِ امامتِ امام زمانہؑ. شبیر حسین کمال

جمعۃ المبارک اور بارہ ربیع الاول — رحمتِ عالم ﷺ کی آمد کا پیغام. محمد عابد رشید

karos-thang-encroachments-court-order-shigar