آج کی خوبصورت دعا. دنیا میں ہمارا قیام بہت مختصر ہے. ڈاکٹر محمد ارشد
ہم میں سے ہر شخص کو کبھی نہ کبھی رک کر یہ ضرور سوچنا چاہیے کہ دنیا میں ہمارا قیام بہت مختصر ہے۔ پھر اس مختصر زندگی کو بےجا بحث و تکرار، حسد، کینہ، رنجشوں اور نفرتوں کی نذر کیوں کیا جائے؟ وقت ایک ایسی دولت ہے جو گزر جائے تو دوبارہ واپس نہیں آتی، اس لیے اپنی زندگی کو محبت، خلوص، برداشت، معافی اور اچھے اخلاق سے خوبصورت بنائیے۔
اپنے خاندان، دوستوں اور عزیزوں کی قدر کیجیے، ان کی تعریف کیجیے، ان کے ساتھ مسکرائیے، خوشیاں بانٹیے، ہنسی مذاق کیجیے اور ایک دوسرے کے احترام کو مقدم رکھیے۔ محبت کرنے والے بنیں، درگزر کرنے والے بنیں، کیونکہ دل جیتنے کے لیے دولت نہیں بلکہ اچھا کردار چاہیے۔ یا اللہ!
ہم سب کو ہر اس نعمت سے سرفراز فرما جس میں ہمارے لیے خیر و برکت ہو، عزت و وقار ہو، راحت و سکون ہو، صحت و تندرستی ہو، ترقی و خوشحالی ہو اور دنیا و آخرت کی بھلائی ہو۔
اے رحمن و رحیم! اپنی مخلوق پر رحم فرما، اپنی رحمت کی بارش نازل فرما، خشک زمینوں کو سیراب فرما، ہمارے کھیتوں اور فصلوں کی حفاظت فرما۔ ہماری جو فصلیں تیار کھڑی ہیں، انہیں ہر آفت، نقصان اور تباہی سے محفوظ فرما اور ہمارے رزق میں برکت عطا فرما یا اللہ! ہماری، ہمارے والدین، ہمارے اہلِ خانہ اور تمام مسلمانوں کی بخشش و مغفرت فرما۔ ہمارے مرحومین کی کامل مغفرت فرما اور ہمیں نیک اعمال کی توفیق عطا فرما۔
یا رب العالمین! ہمارے پیارے وطن پاکستان کو ہمیشہ امن، سلامتی، استحکام، خوشحالی اور ترقی عطا فرما۔ وطنِ عزیز کو ہر آفت، آزمائش، دشمنی اور بدامنی سے محفوظ فرما یا اللہ! فلسطین کے مظلوم مسلمانوں کی خصوصی مدد و نصرت فرما، ان کی مشکلات آسان فرما، ان کے شہداء کی مغفرت فرما اور ان کے زخمیوں و بے گھر خاندانوں پر اپنی خاص رحمت نازل فرما۔
اے اللہ! ہمارے دلوں سے نفرتیں نکال کر محبت، اخلاص، صبر اور انسانیت پیدا فرما۔ ہمیں دوسروں کے لیے آسانی، خوشی اور خیر کا ذریعہ بنا دے۔
آمیـــن ثم آمیـــن یا رب العالمین
اللہ تعالیٰ آپ کی صبح کو رحمت، دن کو برکت، دل کو سکون، رزق کو کشادگی اور زندگی کو خوشیوں سے بھر دے۔
صبح بخیر خوش رہیں، آباد رہیں، مسکراتے رہیں۔
تشدد کے سائے میں مرتا ہوا معاشرہ. نسرین امیرزمان
شگر تارکول و لنک روڈز سمیت تمام رننگ اسکیموں پر فوری عملی کام شروع کیا جائے، ذکاوت علی نصرالدین
ایم بی بی ایس میرٹ لسٹ 2026، 2027 گلگت بلتستان جاری، 129 امیدوار شارٹ لسٹ
Today’s Beautiful Prayer
