کھرمنگ ، موضع مادھو پور، کھرمنگ میں ایک نہایت دلخراش اور افسوس ناک واقعہ، دیکھتے ہی دیکھتے گھر جل کر خاکستر ہو گئے
رپورٹ، 5 سی این نیوز
کھرمنگ ، موضع مادھو پور، کھرمنگ میں ایک نہایت دلخراش اور افسوس ناک واقعہ پیش آیا، جہاں محلہ کے عین درمیان ایک رہائشی گھر میں شارٹ سرکٹ کے باعث اچانک آگ بھڑک اٹھی۔ ابتدائی طور پر معمولی نظر آنے والی یہ آگ چند ہی لمحوں میں شدت اختیار کر گئی اور دیکھتے ہی دیکھتے اس نے اردگرد کے گھروں کو بھی اپنی لپیٹ میں لے لیا۔ تیز ہوا اور قریبی گھروں کی نزدیکی کے باعث آگ تیزی سے پھیلی، جس کے نتیجے میں مزید پانچ گھر بھی مکمل طور پر جل کر خاکستر ہو گئے۔
اس سانحہ میں کئی خاندان بے گھر ہو گئے اور ان کا قیمتی سامان، ضروری اشیاء اور یادگاریں راکھ کا ڈھیر بن گئیں، جو یقیناً ایک ناقابلِ تلافی نقصان ہے۔ تاہم، اس مشکل اور آزمائش کی گھڑی میں اہلِ علاقہ نے جس یکجہتی، ہمدردی اور بھائی چارے کا مظاہرہ کیا، وہ قابلِ تحسین ہے۔ہم دل کی گہرائیوں سے طولتی، کمنگو، عظیم آباد، ہلال آباد، گوہری، منٹھوکھا، آخونپہ، غاسینگ، مہدی آباد، سرمیک تک کے جوانوں، معزز عمائدین، سرکردگان، میڈیا نمائندگان، ضلعی انتظامیہ،فائیر برگیڈ،1122,محکمہ پولیس محکمہ صحت اور فلاحی ادارے “الخدمت،آخوندیان فاؤنڈیشن ,کمنگو ویلفیئر ٹرسٹ” کے بے حد مشکور ہیں، جنہوں نے بروقت پہنچ کر آگ بجھانے، متاثرہ خاندانوں کی مدد کرنے اور نقصان کو مزید بڑھنے سے روکنے میں بھرپور کردار ادا کیا۔
اللہ تعالیٰ تمام متاثرہ خاندانوں کو صبر جمیل عطا فرمائے، ان کے نقصانات کا بہترین نعم البدل عطا کرے اور ہم سب کو ایسے سانحات سے محفوظ رکھے۔ آمین یارب العالمین
منجانب۔ :
علمائے کرام ،عمائدین، جوانان و خانوادے متاثرین مادھوپور کھرمنگ
urdu news update Devastating Fire
