مولانا فضل الرحمٰن کے شہداء و غازیوں سے متعلق مبینہ غیر مناسب بیان کی شدید الفاظ میں مذمت کرتے ہیں، شہید ذاکر میموریل ٹرسٹ شگر کے چیئرمین خادم دلشاد
شگر شہید ذاکر میموریل ٹرسٹ شگر کے چیئرمین خادم دلشاد نے اپنے ایک بیان میں مولانا فضل الرحمٰن کے شہداء و غازیوں سے متعلق مبینہ غیر مناسب بیان کی شدید الفاظ میں مذمت کی ہے۔ انہوں نے کہا کہ شہداء اور غازی پوری قوم کا فخر، وقار اور قیمتی سرمایہ ہیں، جنہوں نے وطنِ عزیز کے دفاع، سلامتی اور عوام کے تحفظ کے لیے بے مثال قربانیاں پیش کیں۔ ان کا کہنا تھا کہ شہداء کی عظیم قربانیوں کو تنخواہ یا کسی مادی مفاد سے جوڑنا نہایت افسوسناک اور ناقابلِ قبول ہے۔خادم دلشاد کے مطابق ایسے بیانات شہداء کے اہلِ خانہ، مسلح افواج اور پوری قوم کے جذبات کو مجروح کرتے ہیں۔ انہوں نے مطالبہ کیا کہ مولانا فضل الرحمٰن اپنے بیان پر نظرثانی کریں اور ہر حال میں شہداء و غازیوں کے احترام کو مقدم رکھا جائے۔ نہوں نے دعا کی کہ اللہ تعالیٰ وطنِ عزیز کے تمام شہداء کے درجات بلند فرمائے، غازیوں کی حفاظت فرمائے اور پاکستان کو ہمیشہ امن، استحکام اور خوشحالی سے ہمکنار رکھے۔

urdu news update Condemns Alleged Comments by Maulana Fazlur Rehman