شگر اسلامی تحریک پاکستان ضلع شگر کی جانب سے ملتان میں عزادار کی شہادت اور چترال میں سبیلِ حسینی کی بے حرمتی کی شدید مذمت
شگر اسلامی تحریک پاکستان ضلع شگر کی جانب سے ملتان میں عزادار کی شہادت اور چترال میں سبیلِ حسینی کی بے حرمتی کی شدید مذمت , اسلامی تحریک پاکستان ضلع شگر کے صدر شیخ زکاوت علی جلالی نے ملتان میں عزادار کی شہادت اور چترال میں سبیلِ حسینی کی بے حرمتی کے افسوسناک واقعات کی شدید الفاظ میں مذمت کرتے ہوئے کہا ہے کہ یہ واقعات نہ صرف مذہبی آزادی اور شہری حقوق پر حملہ ہیں بلکہ قومی یکجہتی، فرقہ وارانہ ہم آہنگی اور امن و امان کے لیے بھی انتہائی تشویش ناک ہیں۔انہوں نے وفاقی و صوبائی حکومتوں اور قانون نافذ کرنے والے اداروں سے مطالبہ کیا کہ ملتان میں عزادار کی شہادت اور چترال میں سبیلِ حسینی کی بے حرمتی میں ملوث تمام عناصر کو بلاامتیاز قانون کے کٹہرے میں لایا جائے، متاثرہ خاندانوں کو فوری انصاف فراہم کیا جائے اور آئندہ ایسے افسوسناک واقعات کی روک تھام کے لیے مؤثر اور عملی اقدامات کیے جائیں۔ شیخ زکاوت علی جلالی نے تمام مکاتبِ فکر، مذہبی و سماجی رہنماؤں اور عوام سے اپیل کی کہ وہ برداشت، مذہبی احترام، باہمی رواداری اور قانون کی بالادستی کو فروغ دیں، کیونکہ امن، انصاف اور قومی وحدت ہی ایک مضبوط، مستحکم اور پرامن پاکستان کی ضمانت ہیں۔
urdu news Shigar Tehreek-e-Islami Pakistan
