قاٸد ملت جعفریہ پاکستان کی جانب سے متاثرین سیلاب کھرمنگ کے لیے امداد
urdu news
قائد ملت جعفریہ پاکستان حضرت آیت اللہ سید ساجد علی نقوی دام عزہ کی سرپرستی،الزہرا اکیڈمی کراچی کے چیرمین مرکزی سیکریٹری جنرل شیعہ علماء کونسل پاکستان علامہ ڈاکٹر شیخ شبیر حسن میثمی دامت برکاتہ کے خصوصی تعاون اور اسلامی تحریک پاکستان بلتستان ڈویژن کے زیر اہتمام متاثرین سیلاب مواضعات ضلع کھرمنگ (کندرک نالہ،خشولک،تزبی لونگما،کھرپی لونگما،فلٹو اور چھومک )کے لیے امدادی سامان کی بروقت فراہمی۔ urdu news
ضلع کھرمنگ کے دور افتادہ اور دشوار علاقوں میں قدرتی آفات سیلاب نے وسیع پیمانے پر تباہی مچادی تھی۔اسلامی تحریک ضلع کھرمنگ کے رہنماوں نے اسی موقع پر متاثرہ علاقوں کا دورہ کیا اور نقصانات کا جاٸزہ لے کر بلتستان ڈویژن کو رپورٹ کردی بلتستان ڈویژن نے مرکزی سیکریٹری جنرل علامہ ڈاکٹر شیخ شبیر حسن میثمی صاحب کی خدمت میں متاثرین کی مشکلات پیش کی۔ علامہ ڈاکٹر شیخ شبیر حسن میثمی نے فرمایا کہ ہم قاٸد ملت جعفریہ پاکستان علامہ سید ساجد علی نقوی کے سپاہی ہیں۔ ملک کے طول وعرض میں جہاں جہاں عوام قدرتی آفات سے دوچار ہوے قاٸد محترم کی سرپرستی ہدایات کی روشنی میں اور انہی کا دست شفقت ہر جگہ شامل حال رہے۔ لہذا متاثرین سیلاب مواضعات ضلع کھرمنگ بلتستان اپنے آپ کو تنہا نہ سمجھیں۔ متاثرین کو امدادی سامان کی فراہمی کے موقع پر اسلامی تحریک پاکستان بلتستان کے رہنماوں نے کہا کہ قاٸد محترم علامہ سید ساجد علی نقوی دام ظلہ نے جہاں جہاں انسانیت مشکلات سے دوچار ہوے وہاں ریاست کے شانہ بشانہ وسیع پیمانے پر اور بلاتفریق رنگ ونسل اور مسلک ومذہب خدمت کی ہے پورے بلتستان سطح پر گزشتہ کٸی سالوں سے مختلف علاقوں میں باوقار طریقے اور متاثرین کی عزت نفس کا خیال رکھتے ہوے مثالی خدمات سرانجام دی ہے۔ چاہے وہ 2016 کے کواردو کے سیلاب ہو،2014 کے تلو کے مساٸل ہوں،2017 کے گیول متاثرین کی مدد ہو، 2022کے ہولناک زلزلہ جس نے روندو کےبڑے حصہ کو متاثر کیا اس وقت کے تاریخی ریلیف ہو ہر جگہ ہروقت مثالی خدمات سے دکھی انسانیت کے دکھ میں انکا سہارا بنےہیں۔ اسلامی تحریک کھرمنگ کے علماء کرام ،رہنماوں اور متاثرہ علاقوں کے عوام اور بزرگان نے دل کی گہرایوں سے قاٸد ملت جعفریہ پاکستان علامہ سید ساجد علی نقوی دام ظلہ اور قبلہ علامہ ڈاکٹر شیخ شبیر حسن میثمی اور قومی وملی پلیٹ فارم کا خصوصی شکریہ ادا کیا۔urdu news