ناردرن ایریاز ٹرانسپورٹ کارپوریشن (نیٹکو) کے منیجنگ ڈائریکٹر زاکر حسین نے چین کے شہر کاشغر میں جاری 16ویں کاشغر وسطی و جنوبی ایشیا کموڈیٹی ٹریڈ فیئر کا دورہ کیا
رپورٹ، 5 سی این نیوز
ناردرن ایریاز ٹرانسپورٹ کارپوریشن (نیٹکو) کے منیجنگ ڈائریکٹر زاکر حسین نے چین کے شہر کاشغر میں جاری 16ویں کاشغر وسطی و جنوبی ایشیا کموڈیٹی ٹریڈ فیئر کا دورہ کیا،
کاشغر ایم ڈی نیٹکو زاکر حسین کا کاشغر تجارتی نمائش کا دورہ، پاک چین تجارتی روابط پر تبادلہ خیال, ناردرن ایریاز ٹرانسپورٹ کارپوریشن (نیٹکو) کے منیجنگ ڈائریکٹر زاکر حسین نے چین کے شہر کاشغر میں جاری 16ویں کاشغر وسطی و جنوبی ایشیا کموڈیٹی ٹریڈ فیئر کا دورہ کیا، جہاں انہوں نے مختلف تجارتی و کاروباری اسٹالز کا معائنہ کیا۔ایم ڈی نیٹکو نے نمائش کے دوران متعلقہ حکام اور مختلف تجارتی اداروں کے نمائندگان سے ملاقاتیں بھی کیں۔ اس موقع پر چیئرمین ٹریڈ اتھارٹی سمیت دیگر حکام سے ہونے والی ملاقاتوں میں پاکستان اور چین کے درمیان تجارتی روابط، علاقائی رابطہ کاری، ٹرانسپورٹ و لاجسٹکس اور سرحد پار تجارت کے فروغ سے متعلق امور پر تبادلہ خیال کیا گیا۔ زاکر حسین نے نمائش میں شریک مختلف کاروباری اداروں کے نمائندگان سے بھی ملاقات کی اور تجارتی سرگرمیوں، سرمایہ کاری اور خطے میں کاروباری تعاون کے امکانات کا جائزہ لیا۔ کاشغر میں منعقدہ 16ویں وسطی و جنوبی ایشیا کموڈیٹی ٹریڈ فیئر 15 سے 19 اگست 2026 تک جاری رہے گا، جس میں چین، جنوبی ایشیا، وسطی ایشیا اور دیگر خطوں کے کاروباری ادارے شرکت کر رہے ہیں۔ نمائش میں سرمایہ کاری، بین الاقوامی تجارت، زرعی و صنعتی مصنوعات، سیاحت، لاجسٹکس اور دیگر شعبوں میں باہمی تعاون کے مواقع کو اجاگر کیا جا رہا ہے۔ ماہرین کے مطابق ایسی تجارتی سرگرمیاں پاکستان اور چین کے درمیان اقتصادی و تجارتی روابط کو مزید مستحکم بنانے میں اہم کردار ادا کر سکتی ہیں۔
فنانشل مانیٹرنگ یونٹ FMU، میںبہترین نوکریوںکا اعلان
وزیراعلیٰ گلگت بلتستان کی ہدایت پر داریل میں ریسکیو آپریشن کے لیے بھرپور متحرک کاری
NETCO Managing Director
