تعلیم یا پیسہ ؟؟ سیلم بیتاب
ہمارے معاشرے میں نوجوانوں میں سے اکثر نوجوان طبقہ پیسے کو تعلیم پر فوقیت دیتے نظر آتے ہیں۔۔۔ ایسا کیوں؟؟؟
۔انسان کی زندگی میں دو چیزوں کی سب سے زیادہ اہمیت ہے :زندگی گزارنے کے لیے پیسہ اور تعلیم دونوں چاہیے ہوتے ہیں۔ لیکن جب بات آتی ہے کہ ان دونوں میں سے زیادہ ضروری کیا ہے تو سوچنا پڑتا ہے….. … تعلیم یا پیسہ؟؟
دیکھا جائے تو ان دونوں کی اپنی اپنی قدر و قیمت الگ الگ ہیں لیکن نوجوانوں میں کنفیوژن ہے کہ ان دونوں میں کونسا بہتر ہے ۔۔۔۔؟؟
تعلیم کا مطلب صرف کتابیں رٹنا نہیں ہے۔ تعلیم کا مطلب ہے آنکھیں کھلنا۔ اچھا برا پہچاننا۔ تعلیم انسان کو سوال کرنا سکھاتی ہے۔ وہ ہر بات آنکھ بند کر کے نہیں مانتا۔ تعلیم یافتہ انسان جہاں بھی جائے اپنے لیے راستہ بنا لیتا ہے۔ آج نوکری گئی تو کل کوئی اور کام شروع کر لے گا۔ کیونکہ اس کے پاس ہنر ہے، سوچ ہے..۔ تعلیم انسان کے اندر صبر برداشت اور دوسروں کا خیال کرنا پیدا کرتی ہے۔ استاد ہو ڈاکٹر ہو یا پھر انجینئر ۔۔۔قومیں تعلیم سےہی بنتی ہے۔ پیسے سے نہیں۔ ۔۔۔۔
ہاں یہ بھی سچ ہے کہ صرف ڈگریاں لے کر اگر انسان بے روزگار پھرے تو مایوسی ہوتی ہے۔ اور صرف پیسہ کمانے کی دوڑ میں اگر انسان جاہل رہ جائے تو وہ دولت اس کے اور دوسروں کے لیے نقصان بن جاتی ہے۔۔۔۔۔
اب آ جائیں پیسے پر۔
پیسے کی اپنی ایک طاقت ہے۔ یہ انسان کی مجبوریاں دور کرتا ہے۔ اگر گھر میں مریض ہو تو پیسہ دوا بن جاتا ہے۔ اگر بچوں کی فیس دینی ہو تو پیسہ ہی کام آتا ہے۔
پیسے سے انسان سہولتیں خریدتا ہے
. سفر کرتا ہے، عزت کماتا ہے۔ معاشرے میں لوگ پیسے والے کو پہلے سلام کرتے ہیں۔ لیکن پیسے کا مسئلہ یہ ہے کہ یہ مستقل نہیں۔….. کاروبار ڈوب سکتا ہے… نوکری جا سکتی ہے۔ اور سب سے بڑی بات پیسہ عقل نہیں دیتا۔.. کتنے لوگ ہیں جن کے پاس دولت تو تھی پر اسے سنبھال نہ سکے۔ جوا میں اڑا دیا غلط جگہ لگا دیا۔ پیسہ انسان کو غرور بھی دے دیتا ہے وہ سمجھتا ہے کہ سب کچھ خرید سکتا ہے لیکن عزت، سکون، رشتے پیسے سے نہیں خریدے جاتے۔……….اصل بات یہ ہے کہ پیسہ اور تعلیم ایک گاڑی کے دو پہیے ہیں۔ ایک پہیہ نکال دو تو گاڑی نہیں چلے گی۔ لیکن اگر مجھ سے پوچھو کہ کون سا پہیہ پہلے لگانا ہے تو میں کہوں گا کہ تعلیم والا۔۔۔۔۔ کیونکہ تعلیم والا انسان پیسہ خود کما لے گا۔ لیکن پیسے والا انسان اگر جاہل ہوا تو وہ نہ اپنا بھلا کرے گا نہ قوم کا۔۔۔۔۔۔
آخر میں بس یہی کہوں گا کہ
_پیسہ گھر کی دیواریں کھڑی کرتا ہے تعلیم اس گھر میں چراغ جلاتی ہے۔۔۔
_پیسہ تمہیں لوگوں کی نظر میں بڑا کرتا ہے تعلیم تمہیں اپنی نظر میں بڑا کرتی ہے۔۔۔۔
اس لیے میری نظر میں تعلیم تھوڑی سی افضل ہے۔ کیونکہ جو چیز کبھی ختم نہ ہو اور دوسروں کے کام بھی آئے وہی اصل سرمایہ ہے۔۔۔۔۔

Education or Money?