الیکشن کمیشن گلگت بلتستان اسمبلی کے عام انتخابات 2026 کے لیے مختلف اضلاع میں ڈسٹرکٹ ریٹرننگ آفیسرز کی تقرری کا باقاعدہ نوٹیفیکیشن جاری کر دیا ہے
رپورٹ، 5 سی این نیوز
الیکشن کمیشن گلگت بلتستان اسمبلی کے عام انتخابات 2026 کے لیے مختلف اضلاع میں ڈسٹرکٹ ریٹرننگ آفیسرز کی تقرری کا باقاعدہ نوٹیفیکیشن جاری کر دیا ہے
گلگت بلتستان اسمبلی کے عام انتخابات 2026 کے انعقاد کے سلسلے میں الیکشن ایکٹ 2017 کی دفعہ 50 کے تحت چیف الیکشن کمشنر گلگت بلتستان راجہ شہباز خان نے مختلف اضلاع میں ڈسٹرکٹ ریٹرننگ آفیسرز کی تقرری کا باقاعدہ نوٹیفیکیشن جاری کر دیا ہے۔شعبہ تعلقات عامہ الیکشن کمیشن سیکریٹریٹ، گلگت بلتستان
کے مطابق ضلع گلگت کے لیے امیر حمزہ ڈسٹرکٹ اینڈ سیشن جج گلگت کو ڈسٹرکٹ ریٹرننگ آفیسر مقرر کیا گیا ہے، جبکہ ضلع سکردو کے لیے خورشید احمد ڈسٹرکٹ اینڈ سیشن جج سکردو کو ذمہ داریاں سونپی گئی ہیں۔ ضلع دیامر میں لیفٹیننٹ (ر) محمد اویس ڈپٹی کمشنر دیامر کو یہ ذمہ داری تفویض کی گئی ہے جبکہ ضلع غذر میں عنایت اللہ ڈپٹی کمشنر غذر خدمات سرانجام دیں گے۔اسی طرح ضلع استور کے لیے نیلم علی ڈپٹی کمشنر استور، ضلع ہنزہ کے لیے ڈپٹی کمشنر ہنزہ نظام الدین، ضلع نگر کے لیے ڈسٹرکٹ اینڈ سیشن جج نگر منہاس حسین، ضلع گانچھے کے لیے ڈپٹی کمشنر گانچھے اقبال جان، ضلع کھرمنگ کے لیے ڈپٹی کمشنر کھرمنگ معراج عالم اور ضلع شگر کے لیے ڈپٹی کمشنر شگر شیر افضل کو بطور ڈسٹرکٹ ریٹرننگ آفیسرز مقرر کیا گیا ہے۔
الیکشن کمیشن کے مطابق ان تقرریوں کا مقصد عام انتخابات کے انعقاد کو شفاف، منصفانہ اور موثر بنانا ہے۔ تمام مقرر کردہ افسران اپنے اپنے اضلاع میں انتخابی عمل کی نگرانی کریں گے اور اس امر کو یقینی بنائیں گے کہ انتخابات مقررہ قوانین اور ضوابط کے مطابق خوش اسلوبی سے انجام پائیں۔
اس حوالے سے چیف الیکشن کمشنر گلگت بلتستان راجہ شہباز خان نے کہا ہے کہ عام انتخابات 2026 کو ہر لحاظ سے آزادانہ، منصفانہ صاف اور شفاف بنانے کے لیے تمام تر انتظامات بروئے کار لائے جائیں گے تاکہ جمہوری عمل کو مزید مضبوط بنایا جا سکے۔

Thank you for reading this post, don't forget to subscribe!

جاری کردہ
شعبہ تعلقات عامہ
الیکشن کمیشن سیکریٹریٹ، گلگت بلتستان

urdu news update Gilgit-Baltistan Assembly General Elections 2026

مضبوط جوان، مضبوط پاکستان منظورنظرؔ (اسکردو بلتستان)

نکاح متعہ اور یونیورسٹیز میں ہونے والی نئی فیشن ۔ طہٰ علی تابشٓ بلتستانی

ایک لمحہ جب دنیا نے کہا: “آپ ناپسندیدہ ہیں. یاسمین اختر طوبیٰ ریسرچ اسکالر گوجرہ، پاکستان