شگر کے سیاحتی مقامات پر صفائی مہم تیز کرنے کا فیصلہ، سیاحوں کو صاف، محفوظ اور خوشگوار ماحول فراہم کیا جا سکے۔
, ڈپٹی کمشنر شگر شیر افضل کی صدارت میں ضلع کے سیاحتی و تفریحی مقامات پر صفائی مہم کے مؤثر انعقاد کے حوالے سے ایک اہم اجلاس منعقد ہوا، جس میں متعلقہ محکموں کے افسران نے شرکت کی۔ اجلاس میں صفائی مہم کے مختلف پہلوؤں، سیاحتی مقامات پر صفائی کے انتظامات اور ماحول کو آلودگی سے پاک رکھنے کے اقدامات پر تفصیلی غور کیا گیا۔ ڈپٹی کمشنر شیر افضل نے کہا کہ ضلع شگر قدرتی حسن اور سیاحتی اہمیت کا حامل علاقہ ہے، اس لیے تمام تفریحی مقامات کو صاف ستھرا اور ماحول دوست بنانا انتظامیہ اور عوام کی مشترکہ ذمہ داری ہے۔ انہوں نے متعلقہ اداروں کو ہدایت کی کہ سیاحتی مقامات پر باقاعدہ صفائی، کوڑا کرکٹ کی بروقت تلفی، ڈسٹ بنز کی تنصیب اور صفائی سے متعلق عوامی آگاہی مہم کو مزید مؤثر بنایا جائے۔ اجلاس میں فیصلہ کیا گیا کہ صفائی مہم کے دوران مختلف سیاحتی مقامات پر خصوصی سرگرمیوں کا انعقاد کیا جائے گا، جبکہ صفائی کے معیار کی مسلسل نگرانی بھی کی جائے گی تاکہ ضلع شگر کی قدرتی خوبصورتی برقرار رہے اور سیاحوں کو صاف، محفوظ اور خوشگوار ماحول فراہم کیا جا سکے۔
>اسلام آباد گلگت بلتستان ہاؤس اسلام آباد میں منیجنگ ڈائریکٹر ناردرن ایریاز ٹرانسپورٹ کارپوریشن (نیٹکو) زاکر حسین کی سربراہی میں نیٹکو اور ڈائیوو ایکسپریس کے درمیان باہمی تعاون کے فروغ کے حوالے سے ایک اہم اجلاس
urdu news update Cleanliness Drive at Tourist Attractions
