شگر باشہ کے بالائی علاقوں میں بجلی کے عملے کی کمی، عوام مشکلات کا شکار
رپورٹ، 5 سی این نیوز
شگر باشہ کے بالائی علاقوں میں بجلی کے عملے کی کمی، عوام مشکلات کا شکار،
شگر باشہ کے بالائی علاقوں میں بجلی کے عملے کی کمی، عوام مشکلات کا شکار، سرکردہ رہنما ارندو باشہ شگر اور چیئرمین علی نے محکمہ برقیات شگر سے مطالبہ کیا ہے کہ باشہ کے بالائی اور دور دراز علاقوں میں بجلی کی منصفانہ فراہمی یقینی بنانے کے لیے اضافی فیلڈ اسٹاف تعینات کیا جائے اور علاقوں کے درمیان امتیازی سلوک کا خاتمہ کیا جائے۔ اپنے ایک بیان میں چیئرمین علی نے کہا کہ زل سے ارندو تک 8 کلومیٹر سے زائد پر محیط دشوار گزار پہاڑی علاقے کے لیے محکمہ برقیات کی جانب سے صرف ایک اہلکار کی تعیناتی ناکافی ہے، جس کے باعث بجلی کی خرابی دور کرنے اور صارفین کی شکایات کے ازالے میں تاخیر کا سامنا رہتا ہے۔ انہوں نے کہا کہ دور دراز علاقوں میں بجلی کی لائنوں کی بروقت مرمت اور نگرانی نہ ہونے کے باعث نہ صرف بجلی کی ترسیل متاثر ہو رہی ہے بلکہ انسانی جانوں اور املاک کو بھی خطرات لاحق ہیں۔ چیئرمین علی کے مطابق گزشتہ دنوں بجلی کی تاروں سے پیدا ہونے والی چنگاری کے باعث ایک غریب مقامی کسان کی سال بھر کی محنت سے جمع کی گئی گندم کا کھلیان جل کر خاکستر ہوگیا۔ تاہم مقامی افراد نے بروقت کارروائی کرتے ہوئے آگ پر قابو پالیا، جس کے نتیجے میں قریبی آبادی کو بڑے نقصان سے بچا لیا گیا۔ انہوں نے محکمہ برقیات کے اعلیٰ حکام سے مطالبہ کیا کہ واقعے کا نوٹس لیتے ہوئے باشہ کے دور افتادہ علاقوں میں اضافی عملہ تعینات کیا جائے، بجلی کی بوسیدہ اور خطرناک تاروں کا فوری معائنہ کیا جائے اور عوام کو بجلی کی بلا تعطل اور محفوظ فراہمی یقینی بنانے کے لیے عملی اقدامات اٹھائے جائیں۔
انسان کون سی عزت کا طلب گار ہوتا ہے؟ شبیر کمال
Power Shortage Shortfall
