﴿وَأُفَوِّضُ أَمْرِي إِلَى اللَّهِ﴾ آج کی خوبصورت بات اور دل سے نکلی دعا ”
﴿وَأُفَوِّضُ أَمْرِي إِلَى اللَّهِ﴾
“اور میں اپنا معاملہ اللہ کے سپرد کرتا ہوں۔”
زندگی میں بہت زیادہ سوچنا، ہر بات کو بار بار ذہن میں دہراتے رہنا اور آنے والے وقت کی پریشانیوں میں خود کو الجھائے رکھنا انسان کے سکون کو چھین لیتا ہے۔ اس لیے اپنے دل کو بے جا خیالات اور پریشانیوں کا قیدی نہ بنائیں، بلکہ اپنے تمام معاملات اپنے ربِ کریم کے سپرد کر دیں اور مطمئن رہیں۔
یاد رکھیے! اللہ تعالیٰ کی تقدیر سے کوئی چیز باہر نہیں جا سکتی۔ جو ہمارے حق میں بہتر ہے، وہ ہمیں ضرور مل کر رہے گا، اور جو ہمارے لیے نقصان دہ ہے، اللہ تعالیٰ اپنی رحمت سے اسے ہم سے دور فرما دے گا۔ بس یقین مضبوط رکھیے، دعا کا دامن تھامے رکھیے اور اپنے رب پر بھروسہ رکھیے۔
“””””””””””” خوبصورت بات “””””””””””
“کسی کی نظر میں اپنی عزت دیکھنی ہو تو اپنی نظر میں اس کی عزت دیکھ لیں؛ اس سے بہتر کوئی آئینہ نہیں۔”
انسان دوسروں سے جس عزت، محبت، خلوص اور احترام کی توقع رکھتا ہے، اسے پہلے خود دوسروں کے لیے اپنے کردار کا حصہ بنانا چاہیے۔ اچھا اخلاق وہ روشنی ہے جو انسان کے الفاظ سے زیادہ اس کے کردار سے ظاہر ہوتی ہے۔
اے پاک پروردگار!
ہم سب کو اپنی بے شمار رحمتوں، برکتوں اور نعمتوں سے نواز دے۔
یا اللہ! ہمیں کسی کا محتاج نہ کرنا اور ہمیشہ اپنے سوا کسی کے سامنے ہاتھ پھیلانے سے محفوظ رکھنا۔
ہمیں وہ صبر عطا فرما جس کے بعد ہمارا حوصلہ کبھی نہ ٹوٹے۔
ہمیں وہ رحمت عطا فرما جو ہمیشہ ہمارے شاملِ حال رہے۔
ہمیں وہ سیدھا راستہ دکھا جو تیری رضا اور قرب تک لے جاتا ہو۔
ہمیں وہ کامیابی عطا فرما جو غرور اور تکبر سے پاک ہو۔
ہمیں وہ رزقِ حلال عطا فرما جس میں برکت، سکون اور خیر ہو۔
اے اللہ! ہمیں وہ خیر بھی عطا فرما جو ہم مانگ نہ سکے، اور ہمیں ہر اس شر سے محفوظ فرما جس کا ہمیں علم بھی نہیں۔
ہماری خطاؤں کو معاف فرما، ہماری پریشانیوں کو آسانیوں میں بدل دے، ہمارے دلوں کو سکون عطا فرما، ہمارے گھروں میں محبت و برکت نازل فرما اور ہماری جائز دعاؤں کو اپنے فضل و کرم سے قبول فرما۔
یا رب العالمین! ہمیں دنیا میں بھی خیر عطا فرما اور آخرت میں بھی بھلائی نصیب فرما۔
آمین یا رب العالمین، ثم آمین

Entrust My Affairs to Allah”