والدین ایک نعمت۔ طہٰ علی تابش بلتستانی
میری ایک عزیز دوست ہے جو عمر، عہدے اور ہر لحاظ سے مجھ سے بہتر ہے، لیکن عموماً وہ زیادہ ڈپریشن میں رہتا ہے۔
ایک دن میں نے پوچھا:
“سر جی، آپ کی تنخواہ غالباً چار لاکھ سے زیادہ ہے، جب کہ بھابی کی بھی اچھی خاصی تنخواہ ہے۔
ایسی کیا وجہ ہے کہ آپ کو جب بھی دیکھا ہے، عموماً ڈپریشن اور ٹینشن میں پایا ہے؟”
وہ تھوڑی دیر مسکرایا اور بتایا:
“سر جی، پیسے سب کچھ تھوڑی نہیں ہوتے۔ ہم گھر میں چار لوگ ہیں۔
میں، آپ کی بھابی اور دو بچے۔ امی اور بیوی کی نہیں بنی تو ابو نے مجھے الگ نکال دیا۔
بیوی میری پڑھی لکھی ہے، گورنمنٹ جاب بھی کرتی ہے، لیکن پھر بھی وہی ساس اور بہو کی کہانی کا شیطان میرے گھر میں بھی گھس گیا۔
امی کو تو کچھ نہیں بول سکتا تھا، لیکن بیوی کو ہزار بار سمجھانے کے باوجود وہ نہیں رکی۔
اب بات یہاں تک پہنچ گئی کہ الگ رہے تو ٹھیک، ورنہ خلع لینے تک کی دھمکی دی گئی۔
ابو سے مشورہ لینے پر ابو نے کہا، ’بیٹا، پہلی بیوی کی کوئی ثانی نہیں ہوتی۔ اب بچے بھی ہیں، تو آپ اپنا کوئی بندوبست کریں۔‘
خیر، ابو کا تو پتا نہیں، لیکن ماں کی بددعاؤں کے ساتھ ہم الگ ہوئے۔۔۔۔
اب چونکہ بچے چھوٹے ہیں، ہمسائے میں سارے اجنبی ہیں، امی اور ابو کے پاس دوبارہ نہیں جا سکتے۔
بیوی میری اسکول پرنسپل ہے، تو گھر پر نہیں رہ سکتی۔
میرا خود سخت ڈیوٹی کا شیڈول ہے، تو مجھے بھی نہ چاہتے ہوئے ڈیوٹی پر جانا پڑتا ہے۔
خدا کی قسم! بہت بار ہم نے بچوں کے ہاتھوں اور پیروں کو باندھ کر ڈیوٹی پر گئے ہیں، تاکہ بچے کبھی غلطی سے چاقو یا گیس وغیرہ کے ساتھ چھیڑ چھاڑ نہ کریں۔
آپ یقین نہیں کریں گے، دل خون کے آنسو روتا ہے کہ جہاں بچے کے کھیلنے کا وقت ہوتا ہے، وہاں ہمیں ایسا بھی کرنا پڑتا ہے۔
مجھے اس کے بدترین سائیڈ ایفیکٹس کا بھی پتہ ہے، لیکن مجبوری ہے۔
اب میری بیوی اپنے کیے پر بہت پچھتا رہی ہے لیکن اب بہت دیر ہوچکی ہے ۔
۔۔
یہ تمہارے لیے نصیحت ہے ، کوشش کریں گھر میں دونوں میں سے ایک جاب کریں ، اگر دونوں جاب کرتے ہیں تو گھر میں ایک شخص ایسا ہو جو آپ کے بچوں کا اچھی طرح خیال رکھ سکے ۔
ورنہ ہم تو زہنی طور پر مریض بن ہی جاتے ہیں ساتھ میں بچوں کی ذہنی نشوونما بھی بری طرح متاثر ہوتے ہیں ۔
Parents A Precious Blessing
طہٰ علی تابشٓ بلتستانی
