گلگت بلتستان میں وزراء کے قلمدانوں کا باضابطہ اعلان، حکومت نے نوٹیفکیشن جاری کر دیا
رپورٹ، 5 سی این نیوز
گلگت: گلگت بلتستان حکومت نے صوبائی کابینہ کے وزراء کو مختلف محکموں کے قلمدان تفویض کرتے ہوئے باضابطہ نوٹیفکیشن جاری کر دیا ہے۔ محکمہ سروسز اینڈ جنرل ایڈمنسٹریشن (ایس اینڈ جی اے ڈی) کی جانب سے جاری ہونے والے نوٹیفکیشن کے مطابق تمام تقرریاں فوری طور پر نافذالعمل ہوں گی اور مزید احکامات تک برقرار رہیں گی۔ نوٹیفکیشن کے مطابق محمد علی اختر کو محکمہ خزانہ کا قلمدان سونپا گیا ہے، جبکہ اقبال حسن محکمہ صحت کے امور کے نگران ہوں گے۔
اسی طرح ناصر علی خان کو محکمہ جنگلات، وائلڈ لائف، پارکس اور ماحولیات کی ذمہ داری دی گئی ہے۔ انہیں اضافی طور پر محکمہ زراعت، فشریز اور اینیمل ہسبنڈری کا قلمدان بھی تفویض کیا گیا ہے۔ سید جلال علی شاہ کو محکمہ پلاننگ اینڈ ڈویلپمنٹ، محمد نسیم کو محکمہ مواصلات و تعمیرات، نیک نام کریم کو محکمہ سیاحت، کھیل، ثقافت اور ورثہ جبکہ ذوالفقار علی مراد کو محکمہ بلدیات و دیہی ترقی (لوکل گورنمنٹ اینڈ رورل ڈویلپمنٹ) کا قلمدان دیا گیا ہے۔ حکومت کی جانب سے جاری نوٹیفکیشن میں کہا گیا ہے کہ وزراء کو تفویض کیے گئے محکموں کی ذمہ داریاں فوری طور پر مؤثر ہوں گی اور یہ انتظامات آئندہ جاری ہونے والے سرکاری احکامات تک برقرار رہیں گے۔
وزراء اور ان کے قلمدان
محمد علی اختر …. محکمہ خزانہ
اقبال حسن …. محکمہ صحت
ناصر علی خان…. محکمہ جنگلات، وائلڈ لائف، پارکس و ماحولیات، اضافی طور پر محکمہ زراعت، فشریز اور اینیمل ہسبنڈری
سید جلال علی شاہ …. محکمہ پلاننگ اینڈ ڈویلپمنٹ
محمد نسیم …. محکمہ مواصلات و تعمیرات
نیک نام کریم…… محکمہ سیاحت، کھیل، ثقافت و ورثہ
ذوالفقار علی مراد….. محکمہ بلدیات و دیہی ترقی
حکومتی حلقوں کے مطابق وزراء کے قلمدانوں کی تقسیم کے بعد مختلف محکموں میں انتظامی امور کو مزید مؤثر بنانے، ترقیاتی منصوبوں پر عمل درآمد کی رفتار تیز کرنے اور عوامی خدمات کی فراہمی کو بہتر بنانے میں مدد ملنے کی توقع ہے۔ گلگت بلتستان حکومت نے صوبائی وزراء کے قلمدانوں کا باضابطہ نوٹیفکیشن جاری کر دیا۔ محمد علی اختر کو خزانہ، اقبال حسن کو صحت جبکہ دیگر وزراء کو مختلف اہم محکموں کی ذمہ داریاں سونپ دی گئی ہیں۔
صنف: کالم نگاری عنوان: ہم کہاں جا رہے ہیں؟ زینب عبدالسلام
وزیرِ اعلیٰ گلگت بلتستان نے جگلوٹ سکردو روڈ کی بحالی پر انتظامیہ کو خراجِ تحسین پیش کیا
Gilgit baltistan news gilgit baltistan ministers portfolios notification 2026
