قائد ملت پبلک اسکول امیرآباد کی تعلیمی خدمات اور کوالٹی ایجوکیشن کا ملکی سطح پر اعتراف۔ پرنسپل گلزار حسین کو شان پاکستان ایوارڈ سے نوازا گیا۔
رپورٹ، 5 سی این نیوز
گزشتہ دنوں اپووا پاکستان کے زیرِ اہتمام لاہور کے معروف ہوٹل پاک ہیریٹیج میں استحکام پاکستان کانفرنس و شان پاکستان ایوارڈز تقسیم کے سلسلے میں ایک شاندار اور یادگار تقریب منعقد ہوئی۔جس میں ملک بھر سے مختلف نمایاں شخصیات کی کثیر تعداد نے شرکت کیں۔
تقریب میں ادب ، صحافت ، تعلیم ، سماجی خدمات ، طب اور دیگر شعبہ ہائے زندگی میں نمایاں خدمات انجام دینے والی شخصیات کو شان پاکستان ایوارڈ سے نوازا گیا۔
قائد ملت پبلک سکول امیرآباد کی جانب سے گلگت بلتستان کے دور افتادہ علاقہ چھوربٹ میں بہترین تعلیمی خدمات اور کوالٹی ایجوکیشن کے فروغ کے لیے کی جانے والی کوششوں کے اعتراف میں پرنسپل قائد ملت پبلک سکول امیرآباد کو بھی شان پاکستان ایوارڈ سے نوازا گیا۔
تقریب میں عالمی سطح کے میتھ مقابلے امریکن میتھمیٹکس اولمپیاڈ میں نمایاں کارکردگی کا مظاہرہ کرکے پاکستان کا نام عالمی سطح پر روشن کرنے پر قائد ملت پبلک سکول امیرآباد کی طالبات حرا فرمان (گولڈ میڈلسٹ) اور معصومہ ابراہیم (سلور میڈلسٹ) کو بھی شان پاکستان ایوارڈ سے نوازا گیا۔
تقریب میں پرنسپل قائد ملت پبلک سکول امیرآباد اور میڈلسٹ طالبات کی نمائندگی کرتے ہوئے معروف مقامی ہوٹل کے منیجر یعقوب اخونزادہ نے تینوں ایوارڈز وصول کیے۔
وقت بدلتے دیر نہیں لگتی. آمینہ یونس ،بلتستانی
شاہین سٹوڈنٹس آرگنائزیشن کی عصری کاوشیں،
Quality Education,
