کمشنر بلتستان کا ضلع گانچھے کا پہلا دورہ، ترقیاتی منصوبوں کا جائزہ، سرکاری اداروں کے سربراہان سے ملاقات اور صحت عامہ کی بہتری پر زور
کمشنر بلتستان کا ضلع گانچھے کا پہلا دورہ، ترقیاتی منصوبوں کا جائزہ، سرکاری اداروں کے سربراہان سے ملاقات اور صحت عامہ کی بہتری پر زور
رپورٹ، 5 سی این نیوز
کمشنر بلتستان کمال خان کا ضلع گانچھے کا پہلا دورہ، ترقیاتی منصوبوں کا جائزہ، سرکاری اداروں کے سربراہان سے ملاقات اور صحت عامہ کی بہتری پر زور
گانچھے (محمد علی عالم) کمشنر بلتستان کمال خان نے اپنے پہلے دورۂ ضلع گانچھے کے دوران مختلف سرکاری اداروں کا جائزہ لیا اور ترقیاتی امور پر تبادلہ خیال کیا۔ اس موقع پر قائم مقام ڈپٹی کمشنر اور اسسٹنٹ کمشنر خپلو احسان الحق نے ان کا استقبال کیا اور بریفنگ دی۔
کمشنر بلتستان کی سربراہی میں ضلعی انتظامیہ اور سرکاری اداروں کے سربراہان کا اجلاس منعقد ہوا، جس میں ضلع میں جاری ترقیاتی منصوبوں، انتظامی امور اور عوامی مسائل پر تفصیلی غور و خوض کیا گیا۔ اجلاس کے دوران مختلف محکموں کی کارکردگی کا جائزہ لیا گیا اور درپیش چیلنجز پر گفتگو کی گئی۔ کمشنر بلتستان نے متعلقہ افسران کو ہدایت دی کہ عوامی مسائل کے حل کے لیے فوری اور مؤثر اقدامات کیے جائیں اور ترقیاتی منصوبوں کو بروقت مکمل کرنے کو یقینی بنایا جائے۔
بعد ازاں، کمشنر بلتستان کمال خان نے ڈسٹرکٹ ہسپتال خپلو کا دورہ کیا، جہاں انہوں نے مختلف شعبہ جات کا تفصیلی معائنہ کیا۔ اس دوران انہوں نے مریضوں اور ان کے لواحقین سے ملاقات کرکے علاج معالجے اور سہولتوں کے حوالے سے دریافت کیا۔ انہوں نے ہسپتال انتظامیہ کو مریضوں کو معیاری اور بہتر طبی سہولیات فراہم کرنے کی ہدایت دی اور محکمہ صحت کے حکام کو فوری اقدامات اٹھانے کا حکم دیا۔
کمشنر بلتستان نے زور دیا کہ صحت عامہ کی بہتری حکومت کی اولین ترجیح ہے اور اس حوالے سے کسی قسم کی کوتاہی برداشت نہیں کی جائے گی۔ انہوں نے ضلعی انتظامیہ کو ہدایت دی کہ عوامی مسائل کے حل کے لیے جامع حکمت عملی اختیار کی جائے اور ترقیاتی کاموں میں شفافیت کو یقینی بنایا جائے۔
انہوں نے یقین دہانی کرائی کہ ضلع گانچھے کی ترقی کے لیے تمام ممکنہ وسائل بروئے کار لائے جائیں گے، تاکہ عوام کو بہتر سہولیات فراہم کی جا سکیں۔
urdu news, Gilgit baltistan news
پیکا ایکٹ قانون ، یاسر دانیال صابری
اسکردو میں ٹیوشن سینٹرز کا بڑھتا ہوا رجحان : مثبت اور منفی پہلو، ملک سرفراز ہادی
