**کراچی: اسرار خٹک نے کراچی فل میراتھون 2025 جیت لی**

**کراچی: اسرار خٹک نے کراچی فل میراتھون 2025 جیت لی**
– کراچی میں منعقدہ فل میراتھون 2025 میں پشاور کے اسرار خٹک نے شاندار کارکردگی دکھاتے ہوئے پہلی پوزیشن حاصل کر لی۔ اسرار خٹک نے 42.195 کلومیٹر کا فاصلہ دو گھنٹے 29 منٹ اور 58 سیکنڈز میں مکمل کیا، جس سے وہ مقابلے کے فاتح قرار پائے۔
فل میراتھون میں بہاولپور کے محمد ریاض نے سخت مقابلے کے بعد دوسری پوزیشن حاصل کی۔ انہوں نے فاصلہ دو گھنٹے 32 منٹ 10 سیکنڈز میں طے کیا۔
**ہاف میراتھون کا میدان ساہیوال کے محمد اختر کے نام**
ہاف میراتھون میں 21.5 کلومیٹر کا فاصلہ طے کر کے ساہیوال کے محمد اختر نے پہلی پوزیشن اپنے نام کی۔ انہوں نے یہ فاصلہ ایک گھنٹہ 12 منٹ اور 8 سیکنڈز میں مکمل کیا۔
ہاف میراتھون میں سیالکوٹ کے محمد قاسم نے بہترین کارکردگی دکھاتے ہوئے دوسری پوزیشن حاصل کی۔ محمد قاسم نے فاصلہ ایک گھنٹہ 12 منٹ اور 53 سیکنڈز میں مکمل کیا۔ اٹک کے محمد عثمان نے ایک گھنٹہ 14 منٹ اور 13 سیکنڈز میں فاصلہ طے کر کے تیسری پوزیشن حاصل کی۔
**تقریب تقسیم انعامات**
اختتامی تقریب میں فاتح کھلاڑیوں کو انعامات اور ٹرافیاں دی گئیں۔ تقریب میں شہر کی اہم شخصیات نے شرکت کی اور کھلاڑیوں کی کارکردگی کو سراہا۔ منتظمین کے مطابق یہ ایونٹ کراچی میں ایتھلیٹکس کے فروغ کے لیے اہم سنگ میل ثابت ہوگا۔

**منتظمین کا عزم**
منتظمین نے اس کامیاب ایونٹ کے بعد اعلان کیا کہ آئندہ سال کراچی میراتھون کو مزید بڑے پیمانے پر منعقد کیا جائے گا تاکہ ملک بھر سے زیادہ ایتھلیٹس شرکت کر سکیں۔

URDU NEWS
کینیا کی بیٹریس چیبٹ نے بارسلونا میں 5 ہزار میٹر کی دوڑ کا نیا عالمی ریکارڈ قائم کر دیا