رحیم یار خان میں بے نظیر انکم سپورٹ سینٹر کی چھت گرنے سے 30 خواتین جاں بحق، 100 سے زائد خواتین زخمی
رپورٹ، 5 سی این نیوز
رحیم یار خان میں بے نظیر انکم سپورٹ سینٹر کی چھت گرنے سے 30 خواتین جاں بحق، 100 سے زائد خواتین زخمی.
رحیم یار خان: رحیم یار خان کے نواحی علاقے میں بے نظیر انکم سپورٹ پروگرام کی رقم وصول کرنے کے لیے آئی خواتین پر چھت گرنے سے افسوسناک حادثہ پیش آیا جس کے نتیجے میں 30 خواتین جاں بحق جبکہ متعدد زخمی ہو گئیں۔
ریسکیو حکام کے مطابق واقعہ نواحی علاقے چک نمبر 125 کے قریب ایک مارکیٹ میں پیش آیا جہاں بے نظیر انکم سپورٹ پروگرام کی قسط وصول کرنے کے لیے آنے والی 200 سے زائد خواتین ریٹیلر شاپ کی چھت پر موجود تھیں، اسی دوران کمزور چھت اچانک گر گئی جس سے کئی خواتین ملبے تلے دب گئیں۔ ضلعی انتظامیہ کے مطابق ملبے تلے دب کر 100 سے زائد افراد زخمی ہوئے، خواتین بی آئی ایس پی کی امدادی رقم لینے آئی تھیں
ریسکیو ٹیموں نے موقع پر پہنچ کر امدادی کارروائیاں شروع کر دیں اور زخمی خواتین کو فوری طور پر شیخ زید ہسپتال منتقل کیا جا رہا ہے۔ضلعی انتظامیہ کے مطابق حادثے کے بعد شیخ زید ہسپتال میں ایمرجنسی نافذ کر دی گئی ہے جبکہ واقعے کی مزید تحقیقات بھی جاری ہیں۔
urdu news update 30 Women Killed
لوڈ شیڈنگ ۔روزے ختم ہونے والے مگر اندھیرا باقی . یاسر دانیال صابری
