لاہور ہائیکورٹ نے ڈی سی کو پی ٹی آئی کی مینار پاکستان پر جلسے کی درخواست پر فیصلہ کرنے کا حکم
رپورٹ، 5 سی این نیوز
لاہور ہائیکورٹ نے ڈی سی کو پی ٹی آئی کی مینار پاکستان پر جلسے کی درخواست پر فیصلہ کرنے کا حکم ، لاہور ہائی کورٹ نےاج لاہور کے ڈپٹی کمشنر کو 8 فروری کو مینار پاکستان پر پاور شو کرنے کی پاکستان تحریک انصاف (پی ٹی آئی) کی درخواست پر فیصلہ کرنے کا حکم دے دیا۔ لاہور ہائیکورٹ کے جسٹس فاروق حیدر نے پی ٹی آئی پنجاب کی چیف آرگنائزر عالیہ حمزہ کی درخواست پر سماعت کی۔ چیف سیکرٹری پنجاب زاہد اختر زمان اور لاہور کے ڈپٹی کمشنر سید موسیٰ رضا بھی عدالت میں پیش ہوئے۔ ڈپٹی کمشنر نے پی ٹی آئی کے 8 فروری کو ہونے والے جلسے سے متعلق رپورٹ عدالت میں جمع کرادی۔ ڈی سی نے اپنی رپورٹ میں کہا کہ ’’لاہور میں 8 فروری کو کرکٹ میچ پہلے سے ہی شیڈول ہے جبکہ ہارس اینڈ کیٹل شو بھی جاری ہے۔
مزید تفصلات کے مطابق، پی ٹی آئی نے 8 فروری کو مینار پاکستان پر جلسے کی اجازت مانگ لی، انہوں نے کہا کہ پی ٹی آئی کو اپنے پاور شو کی اجازت دینے کے لیے میٹنگز ہو رہی ہیں۔ جسٹس فاروق حیدر نے استفسار کیا کہ آپ کو پی ٹی آئی کی جانب سے درخواست کب موصول ہوئی؟ ڈی سی نے عدالت کو بتایا کہ انہیں پی ٹی آئی کی جانب سے 29 جنوری کو درخواست موصول ہوئی تھی۔ عدالت نے استفسار کیا کہ اگر آپ اجازت دیں گے تو جلسے کی تیاریاں ایک دن میں کیسے مکمل ہوں گی۔ بعد ازاں لاہور ہائیکورٹ نے ڈی سی کو ہدایت کی کہ وہ آج شام 5 بجے تک پی ٹی آئی کی درخواست پر فیصلہ کریں۔
urdu news, pti long march
صدر آصف زرداری کا چینی صدر سے ملاقات، پاک چین باہمی مسائل پر تعاون جاری رکھنے کا اعائدہ
