معین خان کے انتقال کی جعلی خبر، ایم کیو ایم رہنما نے اسمبلی میں مغفرت کی دعا کی درخواست کر ڈالی
رپورٹ، 5 سی این نیوز
معین خان کے انتقال کی جعلی خبر، ایم کیو ایم رہنما نے اسمبلی میں مغفرت کی دعا کی درخواست کر ڈالی، سوشل میڈیا پر سابق کرکٹر معین خان کے انتقال کی جعلی خبروں پر ایم کیو ایم رکن اسمبلی نے مغفرت کی دعا کی درخواست کرڈالی۔ سندھ اسمبلی کے اجلاس میں ایم کیو ایم پاکستان کے رہنما صابر قائمخانی نے معین خان کے انتقال کی جعلی خبر پر مغفرت کی دعا کی د رخواست کی۔ ایوان میں موجود ارکان نے فوری طور پر انہیں روکتے ہوئے بتایا کہ کرکٹر معین خان کے انتقال کی خبر غلط ہے۔ اسپیکر نے بھی صابر قائم خانی کو غلط خبر کے بارے میں آگاہ کیا جس پر رکن اسمبلی نے اٹھ کر معذرت کی۔
واضح رہے کہ گزشتہ دنوں 54 سالہ سابق کپتان معین خان کے انتقال کی جھوٹی خبر سوشل میڈیا پر گردش کررہی تھی جس پر معین خان نے اپنے بیان میں کہا تھا کہ وہ بالکل خیریت سے ہیں۔ درحقیقت حیدر آباد سے تعلق رکھنے والے 65 سال کے سینئر کرکٹر معین خان راجپوت کا انتقال ہوا تھا لیکن سوشل میڈیا پر معین راجپوت کے بجائے ٹیسٹ کرکٹر معین خان کی تصویر شیئر کئی گئی۔

Thank you for reading this post, don't forget to subscribe!

urdu news update, Fake News of Moeen Khan’s Death

سوشل میڈیا کا نیا محاذ اور بگڑتی ہوئی نسل ، یاسر دانیال صابری

گزشتہ روز اسلام آباد میں‌ پیش آنے والا افسوسناک ٹریفک حادثہ، متاثرہ خاندانوں کو انصاف کی فراہمی اور مقدمے کی مؤثر پیروی کے لیے Lawyers Forum کی جانب سے ایک کمیٹی تشکیل دی گئی

شگر پرنسپل انٹر کالج شگر پروفیسر حسن شاد باعزت طور پر سبکدوش، تعلیم کے شعبے میں 27 سالہ خدمات پر زبردست خراجِ تحسین